LRD મુદ્દે મુખ્યપ્રધાન રૂપાણીએ આપ્યું નિવેદન, કહ્યું-પોલીસમાં 11,000 નવી ભરતી થવાની છે

LRD જવાનો ગત 22 દિવસથી ગાંધીનગરમાં વિરોધ પ્રદર્શન કરી રહ્યા છે. જેમાં આજે સોમવારે 50થી વધુ LRD જવાનોની પોલીસ દ્વારા અટકાયત કરવામાં આવી હતી, ત્યારે મુખ્યપ્રધાન વિજય રૂપાણીએ LRD મુદ્દે નિવેદન આપ્યું છે. જેમાં તેમણે જણાવ્યું કે, રાજ્ય સરકાર નવી 11,000 ભરતી કરવાની છે. જેથી જે લોકોનું સિલેક્શન થયું નથી, તેમને ઉદાસ થવાની જરૂર નથી.

• 22 દિવસથી ચાલી રહ્યો છે વિરોધ
• વિધાનસભા સામે સેન્ટ્રલ વિસ્ટા ગાર્ડનમાં વિરોધ
• હવે સરકાર નહીં માને તો જળ ત્યાગની અપાઇ ચીમકી

પંચમહાલઃ LRD જવાનો ગત 22 દિવસથી ગાંધીનગરમાં વિરોધ પ્રદર્શન કરી રહ્યા છે. જેમાં આજે સોમવારે 50થી વધુ LRD જવાનોની પોલીસ દ્વારા અટકાયત કરવામાં આવી હતી, ત્યારે મુખ્યપ્રધાન વિજય રૂપાણીએ LRD મુદ્દે નિવેદન આપ્યું છે. જેમાં તેમણે જણાવ્યું કે, રાજ્ય સરકાર નવી 11,000 ભરતી કરવાની છે. જેથી જે લોકોનું સિલેક્શન થયું નથી, તેમને ઉદાસ થવાની જરૂર નથી.

પુરુષ ઉમેદવારની સંખ્યા વધારવાની માગ

આંદોલન કરી રહેલા ઉમેદવારોની એક જ માંગણી છે કે, રાજ્ય સરકાર પુરુષ ઉમેદવારોની સંખ્યામાં વધારો કરે. આવું નહીં કરવા પર આ ઉમેદવારોએ જળ ત્યાગ કરવાની ચીમકી આપી હતી.

મુખ્યપ્રધાને આપ્યું નિવેદન

આંદોલન કરી રહેલા જવાનોને લઇને મુખ્યપ્રધાન રૂપાણીએ ગોધરા ખાતે કમલમ કાર્યાલયના નવીન ભવનના શુભારંગ પ્રસંગે નિવેદન આપ્યું છે. જેમાં તેમણે જણાવ્યું કે, સરકાર રાજ્યમાં નવા 11,000 પોલીસ જવાનોની ભરતી કરવાની છે. જેથી જે લોકોનું સિલેક્શન નથી થયું, તેમને એક વધુ તક મળશે.

આ પણ વાંચોઃગાંધીનગરમાં સતત 22માં દિવસે LRD જવાનોનો વિરોધ, સંખ્યા વધારો નહિ તો હવે જળ ત્યાગ

મહિલા આંદોલન બાદ રાજ્ય સરકારે LRDમાં મહિલાઓની સંખ્યા વધારી છે. જેને ધ્યાનમાં લઈને હવે પુરુષની સંખ્યામાં પણ વધારો થાય તે માટે છેલ્લા અગિયાર મહિનાથી પુરુષ આંદોલનકારીઓ ગાંધીનગરમાં સતત આંદોલન અને વિરોધ પ્રદર્શન કરી રહ્યા છે, ત્યારે આજે સોમવારે સતત 22માં દિવસે પણ વિધાનસભાની સામે આવેલ સેન્ટ્રલ વિસ્ટા ગાર્ડન વિરોધ કરવામાં આવ્યો હતો.