પંચમહાલમાં MGVCLની રેડના પગલે વીજચોરી કરનારાઓમાં ફફડાટ

પંચમહાલના ગ્રામીણ વિસ્તારમાં વીજચોરી થતી હોવાની વ્યાપક બુમોને કારણે MGVCL વીજકંપનીની વિજીલન્સ ટીમ દ્વારા સુરક્ષાકર્મીઓ સાથે ગ્રામીણ વિસ્તારોમાં વીજ ચેંકીગ હાથ ધરવામાં આવ્યું હતુ.

પંચમહાલ: જિલ્લાના ગ્રામીણ વિસ્તારમાં MGVCL વીજકંપનીની વિજીલન્સ ટીમ દ્વારા સુરક્ષાકર્મીઓ સાથે ગ્રામીણ વિસ્તારોમાં વીજ ચેંકિંગ હાથ ધરવામાં આવ્યુ હતુ. તેમાં વ્યાપક પ્રમાણમાં વીજ ચોરી થતી હોવાનુ બહાર આવ્યુ હતુ.

પંચમહાલ જિલ્લાના ગ્રામીણ વિસ્તારમાં MGVCLની વિજીલન્સ ટીમ દ્વારા વીજ ચેંકીગ હાથ ધરી વિજચોરી પકડી પાડીઁને કાયદેસરની કાર્યવાહી હાથ ધરવામા આવી હતી. MGVCLની વિજીલન્સ તેમજ સ્થાનિક મળીને કુલ ૨૪ ટીમોએ વીજ ચેંકીગ હાથ ધરવામાં આવ્યુ હતુ. જેમા પાનમ, સૂરેલી,ખટકપુર, નાથુજીના મુવાડા, મહેલાણ ફીડર વિસ્તારમાં આવતા ગામોમા વીજ ચેંકીગ હાથ ધરવામા આવ્યુ હતુ.

ગોધરા MGVCL કચેરી તરફથી મળતી માહીતી અનુસાર 436 જેટલી વીજ કનેકશનનું ચેંકીગ હાથ ધરવામા આવ્યુ હતું. જેમા 91 જેટલા વીજ કનેકશનમા ચોરી થતી હોવાનું બહાર આવ્યુ હતુ. તેમજ 10 લાખની કિંમતની વિજચોરી પકડી પાડી કાયદેસરની કાર્યવાહી હાથ ધરી છે. તેમજ વીજમીટર,વાયર સહિતનો સામાન પણ જપ્ત કર્યો હતો.