પંચમહાલમાં બેન્ક હડતાલનો બીજો દિવસ, કરોડોના વ્યવહાર ઠપ

યુનાઈટેડ ફોરમ ઓફ બેન્ક ઓફ ઈન્ડિયા દ્વારા વિવિધ માગણીઓને લઈને બે દિવસની બેન્ક હડતાલ પાડવામાં આવતા બેન્ક ગ્રાહકો મુંઝવણમાં મુકાયા હતા. આજે હડતાલના બીજા દિવસે પણ બેન્કનું કામકાજ બંધ રહેતા ગ્રાહકો મુશ્કેલીમાં મુકાયા હતા.

પંચમહાલ: ગોધરા શહેર તથા તાલુકા મથકો ખાતે આવેલી વિવિધ રાષ્ટ્રીયકૃત બેન્કો હડતાલના બીજા દિવસે બંધ રહેતા ગ્રાહકો ભારે મુશ્કેલીમાં મુકાયા હતા. પંચમહાલ જિલ્લામાં રાષ્ટ્રીયકૃત બેન્કોના કર્મચારીઓ દ્વારા પગાર વધારા, સહિતની વિવિધ માગણીઓ સંદર્ભે હડતાલ પાડતા કરોડો રૂપિયાનું ક્લિયરિંગ ઠપ થયું હતું. એક-બાજુ લગ્ન સિઝન ચાલી રહી છે, ત્યારે લોકોને પૈસાની જરૂર પડતી હોય તે સ્વાભાવિક છે. જોકે બીજી તરફ કો-ઓપરેટિવ અને ખાનગી બેન્કો ચાલુ હોવાને કારણે લોકોને આંશિક રાહત મળી હતી. આવતી કાલે રવિવાર હોવાથી હવે બેન્કનું કામકાજ સોમવારથી શરુ થશે.