નવસારી: હાલમાં કોરોનાના કહેર વચ્ચે લોકો જીવ બચાવવા માટે રૂપિયાને પણ ગૌણ માની રહ્યા છે. ત્યારે નવસારીના ચીખલી તાલુકાના પીપલગભાણ ગામે લોહીના સંબંધ ધરાવતા દીકરાએ રૂપિયા માટે ક્રુરતા પૂર્વક પિતાને મોતને ઘાટ ઉતારી દીધા હતા.
પિતાએ પુત્રને રૂપિયા ના આપતા પુત્ર ભાન ભૂલ્યો, લોખંડના સળિયાથી કરી ઘાતકી હત્યા ચીખલી તાલુકાનાં પીપલગભાણ ગામે દીકરાએ પોતાના જ પિતાની હત્યા કરી છે. દીકરાએ પિતા પાસે રૂપિયાની માગણી કરી હતી, પણ પિતાએ રૂપિયા આપવાનીના પાડતા જ દીકરાએ આક્રોશમાં આવીને લોખંડના સળિયા વડે પિતાના માથામાં માર મારતા તેઓ ગંભીર રીતે ઘવાયા હતા. દીકરાના પ્રાણઘાતક હુમલામાં પિતાનું કરૂણ મોત નીપજ્યું હતું.
ઘટના બાદ દીકરો ઘરેથી નાસી છૂટ્યો હતો. ચીખલી પોલીસને ઘટનાની જાણ થતા જ પીપલગભાણ ગામે પહોંચી હત્યારા પુત્રને ઝડપી પાડી જેલના સળિયા પાછળ ધકેલી દીધો હતો.
