નવસારી : નેશનલ હાઇ વે નંબર 48 પર નવસારીના ગ્રીડ નજીકથી નવસારી ગ્રામ્ય પોલીસે બાતમીના આધારે પકડેલા ટેમ્પોમાં ચોરખાનામાં છૂપાવીને લઇ જવાતા 2.98 લાખ રૂપિયાના વિદેશી દારૂ સાથે ટેમ્પો ચાલકની ધરપકડ કરી હતી.
નવસારી ગ્રામ્ય પોલીસની ટીમ નેશનલ હાઇ વે નંબર 48 પર શનિવારે રાત્રે પેટ્રોલિંગ પર હતી. આ દરમિયાન પોલીસને બાતમી મળી હતી કે, 407 ટેમ્પોમાં વિદેશી દારૂ સુરતના પલસાણા તરફ જઇ રહ્યો છે. જેને આધારે પોલીસે હાઇ વે પર નવસારીના ગ્રીડ નજીક ફિલ્ડીંગ ગોઠવી હતી. જે દરમિયાન બાતામીવાળો ટેમ્પો આવતા પોલીસે તેને અટકાવી તપાસ કરતા પોલીસ ચોંકી ગઈ હતી. કારણ કે, ટેમ્પોમાં દારૂ જણાયો ન હતો.