નવસારીઃ જિલ્લો દીપડાઓનું અભ્યારણ બની રહ્યો છે. ગત દિવસોમાં જિલ્લાના ગણદેવી તાલુકામાં દીપડાઓએ નદી કિનારાના ગામડાઓમાં પશુઓનો શિકાર કરતા ગ્રામીણોઓમાં ભય ફેલાયો હતો. જોકે થોડા દિવસો અગાઉ ગણદેવી તાલુકામાંથી જ એક સાથે દીપડો અને દીપડી પાંજરે પુરાયા હતા. બાદમાં તાલુકાના પૂર્વ પટ્ટીના મટવાડ ગામે અંબિકા નદીને કિનારે આવેલા વીર સ્ટડ ફાર્મની આસ-પાસ દીપડો આંટા મારતો નજરે ચડ્યો હતો. જેથી ગણદેવા ગામના આગેવાને ગણદેવી વન વિભાગને જાણ કરતા, વન વિભાગે ઘટના સ્થળે પહોંચી બાવી ફળિયાની વાડીમાં મરઘાના મારણ સાથે પાંજરૂ ગોઠવ્યુ હતુ. જેમાં અઠવાડીયા બાદ આજે વહેલી સવારે એક કદાવર દીપડો શિકારની લાલચમાં પાંજરે પુરાયો હતો. દીપડાની દહાડને કારણે સ્થાનિકોના ટોળા તેને જોવા ઉમટી પડ્યા હતા.
નવસારીઃ ગણદેવા ગામની વાડીમાંથી કદ્દાવાર દીપડી પાંજરે પુરાઇ