નવસારીમાં કોરોના વેક્સિનનું આગમન

છેલ્લા કેટલાય મહિનાઓથી સમગ્ર વિશ્વમાં હાહાકાર મચાવનાર કોરોના વાઈરસને પછાડવાનો અવસર આવી ચુક્યો છે. ભારતમાં જ બનેલી કોવિશિલ્ડ વેક્સિનનો પ્રથમ જથ્થો બુધવારે નવસારી જિલ્લા પંચાયતના વેલસીન સેન્ટર ખાતે આવી પહોંચતા ધાર્મિક વિધિ વિધાન સાથે સ્વાગત કરવામાં આવ્યું હતું.

• નવસારીમાં કોરોના વેક્સિનનું આગમન
• જિલ્લા વિકાસ અધિકારીએ નારિયેળ વધેરીને કર્યા વધામણાં
• 16 મી જાન્યુઆરીથી જિલ્લામાં થશે કોરોના રસિકરણનો પ્રારંભ
  

નવસારીઃ ચીનથી ફેલાયેલા કોરોના વાઈરસે જીવનને ઠંભાવી દીધું હતું. પરંતુ ભારતે મક્કમતાથી કોરોના સામેની લડાઈ આરંભી હતી અને વિશ્વની સાથે સાથે કોરોનાને પછાડવા વેક્સિન બનાવવાની તૈયારી પણ આરંભી હતી. જેમાં ભારતને 11 મહિનામાં જ સફળતા મળી છે.

નવસારીમાં કોરોના વેક્સિનનું આગમન

જિલ્લા વેક્સિન સેન્ટર પર વેક્સિન આવી પહોંચી

પુણેની સીરમ ઇન્સ્ટિટ્યૂટ દ્વારા નિર્મિત કોવિશિલ્ડ વેક્સિનને ભારત સરકારે મંજૂરી આપ્યા બાદ મંગળવારે પ્રથમ તબક્કામાં વેક્સિનના ડોઝ ગુજરાત પહોંચ્યા હતા, જયાંથી બુધવારે સવારે સુરત રિજનલ સેન્ટર અને ત્યાંથી સાંજે નવસારી જિલ્લા વેક્સિન સેન્ટર પર વેક્સિન આવી પહોંચી છે. જ્યા 2 થી 8 ડીગ્રી ટેમ્પરેચરમાં વેક્સિનને રાખવામાં આવી છે.

નવસારીમાં કોરોના વેક્સિનનું આગમન

જિલ્લાના 6 તાલુકા કેન્દ્રો પરથી થશે રસીકરણ

નવસારી જિલ્લા પંચાયત ખાતે કોવિશિલ્ડ વેક્સિન પહોંચ્યા બાદ તેને જિલ્લાના 6 તાલુકા કેન્દ્રો પર મોકલવામાં આવશે. જિલ્લામાં પ્રથમ સરકારી અને ખાનગી હોસ્પિટલોના આરોગ્ય કર્મીઓને વેક્સિન અપાશે.

વેક્સિનેશન માટેની સમગ્ર તૈયારીઓ પુર્ણ

જિલ્લાના 6 વેક્સીન કેન્દ્રો પરથી 16 જાન્યુઆરીએ 100-100 લાભાર્થીઓને વેક્સિન મુકવામાં આવશે. જેના માટેની સમગ્ર તૈયારીઓ આરોગ્ય વિભાગ દ્વારા પુરી કરી લેવામાં આવી છે.