નવસારી: પાલિકાના સીઓ બિલ્ડર પાસેથી આકારણી કરતા હોવાનો કોંગ્રેસનો આક્ષેપ

નવસારી નગર પાલિકાના સીઓ સરકારી દસ્તાવેજો સાથે કલેકટર કચેરી પાસે આવેલી બિલ્ડરની ઓફિસમાંથી નીકળતા કોંગ્રેસે આકરણી કરવામાં ભ્રષ્ટાચાર થતો હોવાનો આક્ષેપ કરી સીઓને ઘેર્યા હતા. જોકે સીઓ કોંગ્રેસના સવાલોથી બચીને પાલિકા કચેરી પહોંચ્યા હતા. જોકે, કોંગ્રેસીઓએ પાલિકા કચેરી પહોંચી સીઓને આકરણી મુદ્દે સવાલો કરતં તેમણે નળ કનેક્શનની 31 અરજીની તપાસમાં ગયા હોવાનું જણાવી પોતાનો બચાવ કર્યો હતો.

• નવસારી પાલિકાના સીઓ પર કોંગ્રેસનો આક્ષેપ
• બિલ્ડર પાસેથી આકારણી કરતા હોવાનો કોંગ્રેસનો આક્ષેપ
• ઘટનાને લઈને ચાલી રહ્યા છે અનેક તર્ક-વિતર્ક

નવસારી: સમગ્ર ઘટના અંગે આશ્ચર્યની વાત એ છે કે, પાલિકા કચેરીએ નળ કનેક્શન ચેકિંગની કોઈ અરજી મળી નહતી. તેવું ખુદ વોટર વર્કસના કર્મચારીએ જણાવતા અનેક તર્ક-વિતર્ક શરુ થયા છે.

પાલિકાના સીઓ બિલ્ડર પાસેથી આકારણી કરતા હોવાનો કોંગ્રેસનો આક્ષેપ

નવસારી પાલિકાના સીઓ બિલ્ડર મહેશ હિરપરાની ઓફિસમાંથી બહાર નીકળ્યા ત્યારે કોંગ્રેસીઓએ તેમને ઘેરીને નવસારીમાં નવા બાંધકામની આકરણી કરવામાં તત્કાલીન સીઓએ ગેરરીતિ આચરી હોવાની ફરિયાદ બાદ તત્કાલીન કલેક્ટરે તપાસના આદેશ આપ્યા હતા અને આકરણી કરવા પર સ્ટે મુકાતા આકરણીનું કામ અટકી પડ્યું હતું. જેની સામે નગરપાલિકાએ અપીલ કરી હતી. જેનો ચુકાદો પાલિકાની તરફેણમાં આવતા આકરણીનું કામ ફરી શરૂ કરાયું હતું.

નળ કનેક્શનની અરજીની વાત 'વાર્તા નીકળી'

સીઓના જવાબથી સંતોષ નહીં થતા કોંગ્રેસીઓએ વોટર વર્કસ વિભાગના કર્મચારી પાસે ક્રોસ વેરીફીકેશન કર્યું હતું. જેમાં સીઓએ જણાવેલા વિસ્તારમાંથી નળ કનેક્શન માટે કોઇ લેખિત અરજી નહીં આવી હોવાનું જણાવી સીઓની અરજીની તપાસની વાત પોકળ સાબિત થઈ હતી. ઉલ્લેખનીય છે કે, નવસારી નગરપાલિકા સીઓ દશરથસિંહ ગોહિલ નવસારીના બિલ્ડર મહેશ હિરપરાની શિવાની પાર્ક સ્થિત ઓફિસે પહોંચ્યા હતા. જેમાં કોંગ્રેસીઓએ સીઓ બિલ્ડરોની આકરણી કરવા ઓફિસે ગયા હોવાના આક્ષેપ સાથે તેમનો ઘેરાવ કર્યો હતો.