PM Care Fund : નવસારીમાં 19 બાળકોને પીએમ કેર ફંડમાંથી મળી 10 લાખની સહાય

નવસારીના સાંસદ અને પ્રદેશ પ્રમુખ સી.આર. પાટીલના હસ્તે બાળકોને પોસ્ટ ખાતાની પાસબુક પણ આપવામાં આવી છે. જેમાં માતા-પિતાની છત્ર છાયા ગુમાવનાર બાળકો માટે પીએમ કેર ફંડમાંથી (PM Care Fund) 10 લાખ રૂપિયાની આર્થિક સહાય જાહેર કરવામાં આવી છે. તેમજ બાળક 21 વર્ષનો થાય ત્યાં સુધી તે બાળકને (Helping Destitute Children in Navsari) હર મહિને આર્થિક સહાય પણ આપવામાં આવશે.

નવસારી : કાળમુખા કોરોનાએ ઘણા પરિવારને પિંખી નાખ્યા છે. ત્યારે કોરોનાને કારણે માતા-પિતાની છત્રછાયા ગુમાવી નિરાધાર બનેલા 19 બાળકોની વ્હારે કેન્દ્ર સરકાર આવી છે. જ્યારે નવસારીના સાંસદ સી.આર. પાટીલના હસ્તે જિલ્લાના નિરાધાર બાળકોને પીએમ કેર ફંડમાંથી (PM Care Fund) 10 લાખ રૂપિયાની આર્થિક સહાય સાથે પોસ્ટ ખાતાની પાસબુક આપવામાં આવી હતી.

નિરાધાર બાળકોને આપવામાં આવી સહાય

કોરોનાની બીજી લહેરમાં ઓક્સિજનના અભાવે ઘણા બાળકોએ માતા-પિતાની છત્રછાયા ગુમાવી છે. ત્યારે નવસારીમાં નિરાધાર બાળકોને (Helping Destitute Children in Navsari) રાજ્ય સરકાર તરફથી બાળક 21 વર્ષના થાય ત્યાં સુધી મહિને 4 હજાર રૂપિયાની સહાય આપવાની વ્યવસ્થા કરી છે. જેની સાથે બાળકો માટે પીએમ કેર સ્કીમ (PM Care Scheme for Children) હેઠળ જિલ્લામાં માતા-પિતા બંને ગુમાવનારા 19 બાળકોને 10 લાખ રૂપિયાની આર્થિક સહાય જાહેર કરી છે. જેમાં નિરાધાર બાળકો 18 વર્ષના થશે, ત્યારે તેને 10 લાખ રૂપિયા વ્યાજ સાથે મળશે. આ સહાય રાશિ પોસ્ટ વિભાગમાં જમા કરાવવામાં આવશે. જેમાં નવસારીના સાંસદ અને ગુજરાત ભાજપના પ્રદેશ પ્રમુખ સી.આર. પાટીલના હસ્તે અને જિલ્લા કલેક્ટર અમિત પ્રકાશ યાદવની ઉપસ્થિતિમાં બાળકોને પોસ્ટ ખાતાની પાસબુક આપવામાં આવી હતી.

આ પણ વાંચોઃ કોરોનામાં યોગ્ય સારવાર ન મળતા માતાનું મૃત્યુ, દીકરાએ કર્યું હતું PM કેર ફંડમાં 2.51 લાખ રૂપિયાનું દાન

પિતાના અવસાનના ત્રીજા દિવસે માતાને પણ ગુમાવ્યા : અક્ષર ભાવસાર

ગણદેવીના ભાવસાર મહોલ્લામાં રહેતા નિમેશકુમાર ભાવસાર કોરોનાની બીજી લહેરમાં કોરોનાગ્રસ્ત થયા બાદ તેમના પત્ની દક્ષાબેન પણ કોરોના સંક્રમણનો ભોગ બન્યા હતા. જેમાં 15 દિવસની સારવાર બાદ ગત 25મી એપ્રિલ, 2021 ના રોજ નિમેશ કુમારનું અવસાન થયુ હતુ. પતિના મોતના ત્રીજા દિવસે જ દક્ષાબેને પણ કોરોનામાં જીવ છોડી દીધો હતો. જેથી એમના પુત્ર અક્ષર ભાવસાર નિરાધાર બન્યા હતો. જોકે અક્ષર માતા-પિતાને ખોયા બાદ બહેન-બનેવી સાથે રહી અભ્યાસ કરી રહ્યો છે. અક્ષર 12 કોમર્સમાં ભણીને ચાર્ટડ એકાઉન્ટ બની પોતાનું ભવિષ્ય ઉજ્વળ બનાવવાનું સપનું છે. ત્યારે PM CARE હેઠળ આર્થિક સહાય (Assistance to Children from PM Care Fund) મળતા અક્ષરે ખુશી સાથે, આગળના અભ્યાસમાં મોટી મદદ મળી રહેવાનો આનંદ પણ વ્યક્ત કર્યો હતો.

આ પણ વાંચોઃ સુરત અને તાપી જિલ્લાની સહકારી મંડળીઓ રૂપિયા ત્રણ કરોડ PM અને CM કેર ફંડમાં આપશે