સરદાર સરોવરની સપાટી 127.81 મીટર પર પહોંચી

નર્મદાઃ સરદાર સરોવર નર્મદા બંધની જળસપાટીમાં સતત વધારો નોંધાઈ રહ્યો છે અને છેલ્લા 4 દિવસમાં સપાટી 6 મીટર જેટલી વધી ગઇ છે. ગુજરાતની જીવાદોરી સમાન સરદાર સરોવર નર્મદા ડેમ આ સીઝનમાં તેની મહત્તમ સપાટીએ પહોંચે તેવી પૂર્ણ શકયતા છે.

ગત વર્ષ 2018માં પાણીનો લાઈવ સ્ટોરેજ સંગ્રહ માત્ર 46.20 મીટર હતો તેની સામે આ વર્ષે 2715 મીટર લાઈવ સ્ટોક ઉપલબ્ધ છે. ગત વર્ષે મધ્યપ્રદેશમાં પડેલા ઓછા વરસાદને કારણે 4.5 મિલિયન એકર ફિટ પાણી મળી શક્યું હતું. તેની પાછળનું મુખ્ય કારણ કેચમેન્ટ વિસ્તારમાં પણ માત્ર 451 mm વરસાદ પડ્યો હતો. આ વર્ષે વધુ વરસાદ વરસ્યો છે.

વર્તમાનમાં જો જોવામાં આવે તો પાણીની સપાટી 127.81 મીટર પહોંચી છે, જે ગત વર્ષે માત્ર 111.03 મીટર જ હતી. આમ, ગુજરાતની જીવાદોરી આ વર્ષે સંપૂર્ણ ભરાઈ જશે તેવી આશા સર્જાઈ રહી છે.

ડેમમાં પાણી વધવાથી ગુજરાત સાથે મહારાષ્ટ્ર અને મધ્યપ્રદેશ સહિત રાજસ્થાનને પણ ફાયદો થશે. જો કે પાણીની આ વિપુલ આવક માત્ર કેચમેન્ટ વિસ્તારમાં થયેલ વરસાદને કારણે થયેલ છે. હજુ નર્મદા ડેમનાં અન્ય બંધોમાંથી પાણી છોડાયું નથી પણ આવનારા દિવસોમાં જ્યારે તે ડેમોમાંથી પાણી છોડવામાં આવશે તો આવકમાં વધારો નોંધાશે.

ગત વર્ષની સ્થિતિ આ વર્ષની સ્થિત

6 ઓગસ્ટ - 111.03 મીટર	6 ઓગસ્ટ - 127.43 મીટર
આવક - 8431 ક્યુસેક્સ	આવક - 72,964 ક્યુસેક્સ
જાવક - 8326 ક્યુસેક્સ	જાવક - 5286 ક્યુસેક્સ
લાઈવ સ્ટોક - 46.20 મીટર	લાઈવ સ્ટોક - 2341.69 મીટર

ઓગસ્ટ 2019ની સરખામણી

1 / 8 /2019	122.19
2 / 8 /2019	122.35
3 / 8 /2019	122.52
4 / 8 /2019	122.87
5 / 8 /2019	125.82
6/ 8 /2019	127.50

ઓગસ્ટ 2018ની સરખામણી

1 / 8 /2018	111.51
2 / 8 /2018	111.44
3 / 8 /2018	111.36
4 / 8 /2018	111.28
5 / 8 /2018	111.17
6/ 8 /2018	111.03