નર્મદા જિલ્લામાં આવેલા રાજપીપલાના કાળિયાભુત વિસ્તાર 24 કલાક અવર જવર વાળો મુખ્ય માર્ગ હોવા છતાં આ તસ્કરોએ આ ચોરી એક રાતમાં ત્રણ શટલો તોડી ચોરી કરી હતી.આ તસ્કરો કોઇ લોખંડની પાઇપ જેવા સાધન દ્વારા શટર ઊંચુ કરીદુકાનોમાં પ્રવેશ મેળવ્યો હતો. જેમાં પહેલી દુકાનમાંથી તેમને કઈ ન મળતા બીજી દુકાનમાંથી બે-ત્રણ હજારનું પરચુરણ લઇને અંતે બાજુની નવકાર ટ્રેડર્સને ખોલીને ચેકીંગ કરતા તેમને હાથ 1.20 લાખ રૂપિયા લાગ્યા હતા.
રાજપીપલાના એક કોમ્પ્લેક્ષની ત્રણ દુકાનોમાંથી 1.20 લાખની ચોરી - Shopes
નર્મદા: જિલ્લામાં આવેલા રાજપીપલા કેવડિયા મુખ્ય માર્ગ વડિયા પેલેસ રોડ પર આવેલ કાળિયાભુત ચોકડી પાસે વાસુ હેરિટેજ કોમ્પલેક્ષની ત્રણ દુકાનોમાં એક જ રાતમાં ચોરી થઇ હતી. જેમાં તસ્કરો પોતાની સાથે કોઈ લોખંડની પાઇપ જેવા હથિયાર લઇને આવ્યા હતા. જેનાથી તેમણે શટલને વચ્ચેથી ઉંચું કરીને ત્રણ દુકાનોમાંથી એક જ સાથે ચોરી કરવામાં આવી હતી.
shops
જેમાં વેપારી દીપિકા યોગેશ શાહની નવકાર ટ્રેડર્સમાંથી 1.20 જેટલી મોટી રકમની ચોરી કરી હતી. ત્યારે સવારે ચોરીના સમાચારથી દિપીકાબેનને ભારે આઘાત લાગ્યો હતો. તેમણે આ બાબતે પોલીસને જાણ પોલીસે જરૂરી તપાસ હાથ ધરી તસ્કરોને ઝડપવાના ચક્રો ગતિમાન કર્યા છે.
આ તપાસ દરમિયાન નવકાર ટ્રેડર્સના મલિક યોગેશ શાહે દુકાનમાં અને દુકાન બહાર કેમેરા લગાવ્યા હતા. પણ કેમેરા નાઈટ વિઝન ન હોવાના કારણે ચોર કેમેરામાં પણ ઝડપાયા ન હતા. અર્થાત કેમેરા પણ શોભાના ગાંઠિયા સમાન બની રહી ગયા હતા.