નર્મદાઃ જિલ્લાના રાજપીપળા નગરપાલિકા વિસ્તારને સંપૂર્ણ પણે સેનેટાઇઝ કરવા સ્વાદયાય પરિવારના શાસ્ત્રી પાંડુરંગ આઠવલે અને દીદી દ્વારા રાજપીપલા નગરપાલિકાને ખાસ ફોંગીગ મશીન આપવામાં આવ્યું હતું. આ ફોગીંગ મશીન દ્વારા એક સાથે 600 લીટર પાણીમાં સોડિયમ હાઇપો ક્લોરાઇડ નાખી દોઢ કલાક સુધી શહેરની નાનામાં નાની ગલીમાં કે શેરીમાં પહોંચી સૅનેટાઇઝ કરી શકાય છે.
નર્મદાના રાજપીપળા નગરપાલિકાને ખાસ ફોંગીગ મશીન આપવામાં આવ્યું - નર્મદા
કોવીડ-19ની મહામારીથી બચવા સેનેટાઇઝેશન અને સ્વછતા ખૂબ જ અગત્યના હોવાનું આયુષ મંત્રાલયે પણ બતાવ્યું છે. ત્યારે સોશિયલ ડિસ્ટન્સ અને વારંવાર સેનેટાઇઝેશન માનવ જીવન માટે ખૂબ જ અગત્યનું છે. વળી જો માનવ વસવાટની આજુબાજુના સ્થળ પર સૅનેટાઇઝ કરવામાં આવે તો આ મહામારીથી બચી શકાય તેમ છે.
નર્મદાના રાજપીપળા નગરપાલિકાને ખાસ ફોંગીગ મશીન આપવામાં આવ્યું
આ મશીન દ્વારા ઓછા મેન પાવરથી અને ટ્રેકટરની મદદથી સમગ્ર શહેરને સૅનેટાઇઝ કરી શકાય છે, ત્યારે આ મશીન રાજપીપલા ખાતે આગામી ચાર દિવસ સુધી રહેશે અને સમગ્ર રાજપીપળા શહેરના દરેક વિસ્તારને સેનેટાઇઝ કરવામાં આવશે. ત્યારે આ વિશેષ ફોગીંગ મશીન રાજપીપળાવાસીઓ માટે આશીર્વાદ સમું સાબિત થઈ રહ્યું છે.
રાજપીપલા નગરપાલિકાના ચીફ ઓફિસર જયેશ પટેલએ જણાવ્યું કે, આ મશીનથી સમગ્ર રાજપીપળા વિસ્તારને સૅનેટાઇઝ કરાશે તથા આ મશીન વધુમાં વધુમાં વિસ્તારમાં સૅનેટાઇઝેશન કરવા કામ લાગે તેવી લાગણી વ્યક્ત કરી હતી.