370ની કલમ હટાવવાનું શ્રેય હું સરદારને સમર્પિત કરુ છું: વડાપ્રધાન મોદી

કેવડીયા: વડાપ્રધાન મોદીએ આજે ગુજરાતના કેવડિયા સ્થિત સરદાર વલ્લભભાઈ પટેલ જન્મજયંતીના પ્રસંગે તેમની પ્રતિમા 'સ્ટેચ્યૂ ઓફ યુનિટી'ને શ્રદ્ધાંજલિ આપી હતી. અહીં વડાપ્રધાન મોદીએ રન ફોર યુનિટી કાર્યક્રમમાં પણ ભાગ લીધો હતો.

રન ફોર યુનિટી કાર્યક્રમમાં ભાગ લેવા પહોંચેલા વડાપ્રધાન મોદીએ લોકોને સંબોધન કરતા જણાવ્યું કે, આઝાદી બાદ પ્રથમ વાર જમ્મુ કાશ્મીરમાં બીડીસી ચૂંટણી થઈ છે. અને 98 ટકા પંચ અને સરપંચોએ મત આપ્યા હતા. આ ભાગીદારી આપણા દેશની એકતા દર્શાવે છે. હવે જમ્મુ કાશ્મીરમાં એક રાજકીય સ્થિરતા આવશે.

આપણા ભાઈ-બહેનો જે આ અસ્થાઈ દિવાલની પેલે પાર રહેતા હતા, તેઓ પણ અસમંજસમાં હતા. જે દિવાલ કાશ્મીરમાં અલગાવવાદ અને આતંકવાદને વધારવામાં મદદ કરતો હતો. હવે આ દિવાલ ધરાશાયી થઈ છે. દાયકાઓ સુધી 370ની કલમ આપણા માટે એક દિવાલ બનીને ઊભી હતી.

આગળ જણાવ્યું કે, એક સમય હતો જ્યારે સરદાર પટેલે જણાવ્યું હતું કે, જો કાશ્મીરનો મુદ્દો તેમની પાસે હોત, તો તેને ઉકેલવામાં આટલી વાર ન લાગતી. આજે તેમની જન્મ જયંતિ પર કુલ કલમ 370 તેમને સમર્પિત કરુ છું. અમને એ વાતની પણ ખુશી છે કે, આજથી જમ્મુ કાશ્મીર અને લદ્દાખ એક નવા ભવિષ્ય તરફ ગતિ કરવા જઈ રહ્યું છે. હાલમાં જ ત્યાં બ્લોક ડેવલપમેન્ટ કાઉન્સિલ ચૂંટણીમાં 98 ટકા પંચ અને સરપંચોએ ભાગીદારી દાખવી હતી.

હવે જમ્મુ કાશ્મીરમાં રાજકીય સ્થિરતા આવશે. પોતાના સ્વાર્થ માટે અહીં સરકાર બનાવી અને બગાડવાનો ખેલ હવે બંધ થશે. વિસ્તારને ધ્યાને રાખી ત્યાં સમસ્યાઓ અને તકલીફો પણ દૂર થશે. નવા હાઈવે, નવી સ્કૂલ, નવા રસ્તાઓ, નવી હોસ્પિટલ જમ્મુ કાશ્મીકના વિકાસને નવી ઉંચ્ચાઈ પર લઈ જશે.

મને એ વાતની ખુશી છે કે, આજથી જમ્મુ કાશ્મીર અને લદ્દાખના સરકારી કર્મચારીને સાતમાં પગારપંચનો લાભ મળતો થઈ જશે.

જમ્મુ અને કાશ્મીર તથા લદ્દાખમાં નવી વ્યવસ્થા જમીન પર આડી રેખા ખેંચવા માટે નથી, પણ વિશ્વાસની એક મજબૂત કડી બનાવવાની છે. આ જ વિશ્વાસ છે કે, જમ્મુ કાશ્મીર અને લદ્દાખ માટે સરદારે વિશ્વાસ વ્યક્ત કર્યો હતો.

સરદાર સાહેબની પ્રેરણાથી જ અમે સંપૂર્ણ ભારતમાં ભાવનાત્મક અને સંવિધાનિક વિલય પર જોર આપી રહ્યા છીએ. આ એજ પ્રયાસ છે જેનો 21મી સદીમાં નજરઅંદાજ કરી આપણે ભારતની મજબૂતીની કલ્પના કરી શકીએ નહીં.