સેલવાસમાં ધોળા દિવસે કારનો કાચ તોડી બેગની ઉઠાંતરી

સેલવાસ: સંઘપ્રદેશ દાદરા નગર હવેલીના સેલવાસમાં એક વ્યકિત હોસ્પિટલમાં સારવાર માટે ગયા હતાં. તે દરમિયાન કોઈ ઠગે તેમની કારને નિશાન બનાની હતી. લોકોની અવર-જવરથી ધમધમતા આ વિસ્તારમાં ધોળા દિવસે કાચ તોડી બેગને ઉઠાવી ભેજાબાજ ફરાર થઈ ગયો હતો.

કેન્દ્રશાસિત પ્રદેશ સેલવાસમાં રાજુ બંસલ શ્રી વિનોબા ભાવે સિવિલ હોસ્પિટલમાં સારવાર માટે ગયા હતા. હોસ્પિટલની બહાર તેમણે પોતાની કાર નં DN-09-K-0258 પાર્ક કરી હતી. થોડી વારમાં સારવાર લઈને બહાર આવતા તેમણે કારનો કાચ તુટેલો જોયો હતો. આ જોઈ તેઓ ચોંકી ઉઠયા હતા.

કારમાં જોતા તેમની બેંકની પાસબુક અને અન્ય દસ્તાવેજો ભરેલી ગાયબ હતી. સતત ટ્રાફીક અને લોકોની ભીડભાડવાળા વિસ્તારમાં આ ઘટના બનતા લોકોમાં ભયનો માહોલ ઉભો થયો છે. આ ઉપરાંત તંત્ર સામે લોકો ગુસ્સો પણ ઠાલવી રહ્યા છે.