કામદારો સાથે લૂંટફાટ અને અપહરણ કરતી ટોળકીને સેલવાસ પોલીસે ઝડપી પાડી

દાદરા નગર હવેલીના સાયલીમાં એક યુવકનું અપહરણ કરી તેને નગ્ન કરીને ઢોર માર મારી તેની પાસેથી રોકડ રકમ અને મોબાઈલની લૂંટ કરનારા 3 આરોપીઓને સેલવાસ પોલીસે ઝડપી પાડ્યા છે.

• 7 ઓક્ટોબરના રોજ કર્યું અપહરણ
• 17 ઓક્ટોબરના રોજ 3 આરોપી પકડાયા
• કોર્ટે આરોપીઓના 5 દિવસના રિમાન્ડ મંજૂર કર્યા

સેલવાસ: 7 ઓક્ટોબરના રોજ દાદરા નગર હવેલીના સાયલી વિસ્તારની એક કંપની નજીક કંપનીમાંથી છૂટીને રાત્રે પોતાના ઘરે જતા લક્ષ્મણ સાકેત અને તેના સાથીઓને રાતના સમયે મોટસાયકલ પર આવેલા 3 યુવકોએ અટકાવી તેમની સાથે અભદ્ર વર્તન કર્યું હતું.

કામદારો સાથે લૂંટફાટ અને અપહરણ કરતી ટોળકીને સેલવાસ પોલીસે ઝડપી પાડી

નગ્ન કરી માર માર્યો

લક્ષ્મણ સાકેતે બાઈક પર આવેલા યુવકોને સમજાવવાનો પ્રયાસ કર્યો હતો. જેનાથી બાઈક સવાર ઉશ્કેરાઈ ગયા હતા અને તેને માર મારી મોટરસાયકલ પર તેનું અપહરણ કરી સાયલીના જંગલમાં લઈ ગયા હતા. જ્યાં યુવકોએ તેને નગ્ન કરી ફરી ઢોર માર માર્યો હતો. ઉપરાંત મોબાઈલ કિંમત રૂપિયા 1100 અને અન્ય રોકડ રકમની લૂંટ કરી આરોપીઓ ફરાર થઈ ગયા હતા.

11 દિવસ બાદ ઝડપાયા આરોપીઓ

આ ફરિયાદ બાબતે દાદરા નગર હવેલી પોલીસે ફરિયાદ નોંધી તપાસ હાથ ધરી હતી. જેમાં ત્રણેય આરોપીને પોલીસે ઝડપી પાડ્યા હતા.

પોલીસે 3 આરોપીઓની કરી ધરપકડ

પોલીસે મેઘપાડા સાયલીના રહીશ 27 વર્ષીય મુકેશ સુખલા અંધેર, સુકપાડા માંદોનીના રહીશ 21 વર્ષીય મહેન્દ્ર કાશીરામ જીમ અને ખરડપાડા અથોલાના 25 વર્ષીય ધર્મેશ રમેશ બરફની ધરપકડ કરી IPCની કલમ 392, 365, 341, 323, 504, 506 અને 34 મુજબ ગુનો નોંધી કોર્ટમાં રજૂ કર્યા હતા. જેમાં નામદાર કોર્ટે આરોપીઓના 5 દિવસના રિમાન્ડ મંજૂર કર્યા હતા.