Wankaner Accident : કણકોટ નજીક કાર કૂવામાં ખાબકી, પરિવારના 4 સભ્યોના મોત

દિવાળીની રજામાં દ્વારકા-સોમનાથ ફરવા આવેલા અમદાવાદના પરિવારની કારને વાંકાનેરના ( Wankaner Accident ) કણકોટ ગામ નજીક અકસ્માત નડ્યો હતો. કાર ડ્રાઈવરને ઝોકું આવી જતા કાર રોડની નીચે ઉતરી ગયા બાદ કૂવામાં ખાબકી હતી. આ અકસ્માતમાં એક જ પરિવારના 4 સભ્યોના મોત ( Accidental Death ) થયાં હતાં. બે મહિલાઓ અને બે બાળકો એમ ચાર સભ્યોના મોત ( death of 4 members of the family ) થયા અંગે પોલીસ ફરિયાદ નોંધાઈ છે.

• વાંકાનેરના કણકોટ નજીક સર્જાયો જીવલેણ અકસ્માત
• કાર ડ્રાઈવરને ઝોકું આવી જતાં કાર કૂવામાં ખાબકી
• અમદાવાદનો પરિવાર દિવાળીની રજાઓ માણી પરત જતો હતો
• છ સભ્યના પરિવારમાં 4 સભ્યો અકસ્માતમાં મોતને ભેટ્યાં

મોરબીઃ કણકોટ પાસે થયેલા આ અકસ્માતમાં અમદાવાદ રહેતો પરિવાર ભોગ બન્યો છે. બનાવ અંગે અમદાવાદના રહેવાસી રતિલાલભાઈ પ્રજાપતિએ વાંકાનેર ( Wankaner Accident ) તાલુકા પોલીસ મથકમાં ફરિયાદ નોંધાવી છે કે તે પત્ની મંજુલાબેન, દીકરો દિનેશ, દીકરાના પત્ની મીનાબેન તેમજ પૌત્ર આદિત્ય અને ઓમ એમ છ લોકો દ્વારકા સોમનાથ અને સત્તાધાર ફરવા આવ્યા હતાં. દિવાળીની રજામાં ફરીને પરત જતા હતાં ત્યારે રાજકોટથી વાંકાનેર આવતા કણકોટ ગામ નજીક ડ્રાઈવરને ઝોકું આવી જતા કાર રોડથી નીચે ઉતરી ગઈ હતી અને રોડની સાઈડમાં કૂવો હતો જેમાં ખાબકી હતી. અકસ્માતને પગલે મોરબી અને રાજકોટથી ફાયર ટીમ દોડી આવી હતી અને કાર તેમ જ મૃતદેહો ( Accidental Death ) બહાર કાઢવામાં આવ્યાં હતાં.

પતિની નજર સામે પત્ની, પુત્રવધુ અને પુત્રના મોત થયાં

આ અકસ્માતમાં ( Wankaner Accident ) કારમાં સવાર ફરિયાદી રતિલાલ પ્રજાપતિના પત્ની મંજુલાબેન, દીકરા દિનેશની પત્ની મીનાબેન તેમજ પૌત્ર આદિત્ય અને ઓમ એમ ચારના પાણીમાં ઇકો કાર સાથે ડૂબી જતા મોત ( death of 4 members of the family ) થયાં હતાં. અકસ્માતના બનાવ અંગે પોલીસે ઇકો કાર જીજે ૦૧ એચઝેડ ૧૪૫૩ ના ચાલક વિરુદ્ધ અકસ્માતની ફરિયાદ નોંધી વધુ તપાસ હાથ ધરી છે. અકસ્માત બાદ ઇકો કારનો ચાલક ભાગી ગયો હતો.

મકનસરમાં સંબંધીના ઘેર જઇ રહ્યાં હતાં

દિવાળીની રજા હોવાથી પ્રજાપતિ પરિવાર સૌરાષ્ટ્રમાં પ્રવાસે આવ્યો હતો. જેમાં તા. 05 ના રોજ ઇકો કારમાં બેસી રવાના થયા બાદ 6 નવેમ્બરે દ્વારકા પહોંચ્યા, જ્યાંથી સોમનાથ દર્શન કરી સત્તાધાર ફર્યા હતાં અને તુલસી શ્યામ દર્શન કરીને પરત આવતા હતાં. ત્યારેે મોરબીના મકનસર ગામે સંબંધીના ઘરે આવતી વેળાએ વાંકાનેરના ( Wankaner Accident ) કણકોટ ગામ નજીક અકસ્માત સર્જાયો હતો.

બે બાળકો અને બે મહિલાના ઘટનાસ્થળે જ મોતથી અરેરાટી

દિવાળીની રજામાં ફરવા આવેલ પ્રજાપતિ પરિવારની કાર કૂવામાં ડૂબી જતા પાણીમાં ડૂબી જવાથી બે મહિલા અને બે બાળકોના ( death of 4 members of the family ) કરુણ મોત થયા હતાં. તો કારમાં સવાર પિતા અને દાદા બચી જવા પામ્યાં હતાં. પરિવારના બે સભ્યો બચી તો ગયા પરંતુ તેમને પોતાના પરિવારના ચાર સભ્યોના મોત ( Accidental Death ) નજર સામે નિહાળવાની કરુણાંતિકા સર્જાઈ હતી.

આ પણ વાંચોઃ CCTV : રિક્ષાની ઠોકરે બાઈકચાલક જમીન પર પટકાયા , પાછળથી આવતો ટ્રક માથા પર ફરી વળ્યો

આ પણ વાંચોઃ હળવદના સુંદરગઢ ગામ નજીક ડમ્પર અને એમ્બ્યુલન્સ વચ્ચે અકસ્માત, 3ના મોત