મોરબીમાં મૃતક પોઝીટીવ દર્દીની અંતિમ વિધિ માટે સ્મશાન સંભાળનારે ના પાડી

કોરોના મહામારી દિન પ્રતિદિન વધી રહી છે. મોરબી જિલ્લામાં પણ કોરોનાના કેસમાં સતત વધારો થઇ રહ્યો છે, ત્યારે કોરોના પોઝિટિવ દર્દીનું મૃત્યુ થતા તેની અંતિમ વિધિ માટે પણ અનેક સમસ્યાઓ સામે આવી રહી છે. મોરબી જિલ્લામાં મનાવતા મરી પડવાનો કિસ્સો સામે આવ્યો છે, જેમાં શનિવારે રાત્રીના કોરોના પોઝિટિવ દર્દીનું મૃત્યુ થતા તેની અંતીમ વિધિ માટે વિદ્યુત સ્મશાનમાં સમ્શાન સંભારનારે અંતિમ વિધિ કરવાની સ્પષ્ટ મનાઈ કરી હતી.

મોરબીઃ કોરોના મહામારી દિન પ્રતિદિન વધી રહી છે. જિલ્લામાં પણ કોરોનાના કેસમાં સતત વધારો થઇ રહ્યો છે, ત્યારે કોરોના પોઝિટિવ દર્દીનું મૃત્યુ થતા તેની અંતિમ વિધિ માટે પણ અનેક સમસ્યાઓ સામે આવી રહી છે. મોરબી જિલ્લામાં મનાવતા મરી પડવાનો કિસ્સો સામે આવ્યો છે, જેમાં શનિવારે રાત્રીના કોરોના પોઝિટિવ દર્દીનું મૃત્યુ થતા તેની અંતીમ વિધિ માટે વિદ્યુત સ્મશાનમાં સમ્શાન સંભારનારે અંતિમ વિધિ કરવાની સ્પષ્ટ મનાઈ કરી હતી.

મોરબી શહેરમાં રહેતા અને ગત તા.10ના રોજ પોઝિટિવ આવેલા દર્દીનું સારવાર દરમિયાન શનિવારે રાત્રીના મૃત્યુ થયું હતું, જેથી તેના અગ્નિદાહ માટે કવાયત શરુ કરવામાં આવી હતી. જોકે વિદ્યુત સ્મશાનની સંભાળ રાખનારે મૃતક પોઝિટિવ દર્દીની અંતિમ વિધિ સ્મશાનમાં કરવા દેવાની ના પાડી હતી.

મોરબી ચીફ ઓફિસર દ્વારા વિદ્યુત સ્મશાનમાં એક ભઠ્ઠી અનામત રાખવાની સુચના આપી હોવા છતાં વિદ્યુત સ્મશાનના ચાલકે પરિવારજનોને અંતીમ વિધી માટે નાં પાડી હોવાનું પરિવારજનો જણાવી રહ્યા છે. પોલીસ અને તંત્ર દ્વારા સ્મશાન સંભાળનારને વિનતી કરવામાં આવી હોવા છતાં તેને માનવતા દાખવી ન હતી. જેથી મૃતક દર્દીના પરિવારજનો ચિંતિત બન્યા હતા. જે બાબતની જાણ પાલિકા દ્વારા કલેક્ટરને કરવામાં આવતા કલેક્ટરે ગંભીરતાને ધ્યાને લઇ મોરબીના ધોળેશ્વર સ્મશાનમાં મૃતકની અંતિમ વિધિ કરાવી હતી.

આ મામલે પાલિકા ચીફ ઓફિસરે જણાવ્યું હતું કે વિદ્યુત સ્મશાનને પાલિકા દ્વારા એક ભઠ્ઠી કોરોના પોઝિટિવ દર્દીનું મૃત્યુ થાય તો તેની અંતિમ વિધિ માટે અનામત રાખી હતી, પરંતુ સ્મશાન સંભાળનાર અંતિમ વિધિ કરવાની નાં પાડી રહ્યા છે જેથી તેની સામે કાયદેસરની કાર્યવાહી કરવામાં આવશે.

સ્મશાન સંભાળનારે જણાવ્યું હતું કે આસપાસમાં રહેણાંક વિસ્તારો છે, તેમજ કોરોનાના જીવાણું 24 કલાક સુધી મરતા નથી, જેથી આસપાસના રહીશો પર આરોગ્યનો ખતરાને જોતા અંતીમ વીધી માટે નાં પાડી હતી.

આ બાબતની જાણ થતા સ્થાનિકો પણ વિદ્યુત સ્મશાને દોડી આવ્યાં હતા અને સ્મશાન આડે ઉભા રહી વિરોધ કર્યો હતો તેમજ તેમણે જણાવ્યું હતું કે મૃતક દર્દીની અંતિમ વિધિ વિદ્યુત સ્મશાનમાં થશે તો અમારા વિસ્તારના રહીશોના આરોગ્ય જોખમી બની શકે છે. વધુમાં જણાવ્યું કે જો સરકાર કે તંત્ર અમારા સ્વાસ્થ્યની જવાબદારી લે તો અમને કઈ વાંધો નથી. તંત્ર દ્વારા બાદમાં મીટિંગ કરવામાં આવી હોવાનું જણવા મળ્યું છે અને વિદ્યુત સ્મશાન પાલિકા પોતાના કબજામાં લેશે જેથી અન્ય કોઈ પોઝિટિવ દર્દીનું મૃત્યું થાય ત્યારે પરિવારજનો હેરાન ન થાય.