હળવદના રાતાભેર ગામ નજીક પેટ્રોલપંપ પર લૂંટ, 4 દિવસ બાદ પોલીસ ફરિયાદ નોંધાઈ

હળવદ તાલુકાના રાતાભેર નજીક આવેલા પેટ્રોલપંપમાં બાઈક સવાર બે શખ્સોએ લૂંટ ચલાવી હોવાની ઘટના સામે આવી છે. આ ઘટનામાં રૂપિયા 40 હજારની લૂંટ થયાની ફરિયાદ નોંધાઈ છે.

મોરબીઃ જિલ્લાના હળવદ તાલુકાના રાતાભેર ગામ વચ્ચે આવેલ નાગેશ્વર પંટ્રોલ પંપમાં એક બાઇક ઉપર બે અજાણ્યા શખ્સોએ આવીને પેટ્રોલ પંપના કર્મચારી પ્રદીપભાઈ દિલીપભાઈ સારલાને પકડી રાખી જાનથી મારી નાખવાની ધમકી આપી હતી અને પેટ્રોલ પંપની ઓફિસમાં રહેલ ડ્રૉવરમાંથી 38 હજાર રોકડા અને ફરિયાદી પ્રદીપભાઈનો મોબાઇલ કિંમત રૂ. 2000 મળી કુલ રૂપિયા 40 હજારની લૂંટ ચલાવવામાં આવી હોવાનો બનાવ બન્યો હતો.

લૂંટને અંજામ આપ્યા બાદ બન્ને શખ્સો નાસી છૂટયા હતા. આ બનાવને ચાર દિવસ બાદ પોલીસમાં ફરિયાદ નોંધાઈ છે.