નવી દિલ્હી : મોરબી બ્રિજ અકસ્માતનો મામલો (morbi bridge accident case) સુપ્રીમ કોર્ટમાં પહોંચ્યો (morbi bridge accident case reached supreme court) છે. સુપ્રીમ કોર્ટમાં જાહેર હિતની અરજી દાખલ કરવામાં આવી છે. સુપ્રીમ કોર્ટના નિવૃત્ત ન્યાયાધીશના નેતૃત્વમાં આ અકસ્માતની SIT તપાસની માંગ કરવામાં આવી છે. મોરબી કેસની ન્યાયિક તપાસ માટે દાખલ કરાયેલી અરજીની સુનાવણી માટે સુપ્રીમ કોર્ટ સંમત થઈ છે. સુપ્રીમ કોર્ટ આ મામલે 14 નવેમ્બરે મહત્વની સુનાવણી હાથ ધરશે.
સર્વે કમિટી બનાવવા માંગઃસુપ્રીમ કોર્ટમાં (supreme court) દાખલ કરાયેલી જાહેર હિતની અરજીમાં દેશભરના તમામ જૂના પુલ કે સ્મારકો પર ભીડનું સંચાલન કરવા માટે નિયમો બનાવવાની માગ કરવામાં આવી છે જેથી કરીને આવી ઘટના ફરી ન બને. આ સાથે રાજ્ય સરકારોને જુના હેરિટેજ અને પુલના સર્વે માટે એક કમિટી બનાવવાનો નિર્દેશ આપવા માગ કરવામાં આવી છે. અરજીમાં કહેવામાં આવ્યું છે કે, કાયમી ડિઝાસ્ટર કંટ્રોલ ડિપાર્ટમેન્ટ બનાવીને દુર્ઘટનાઓને બચાવવાની કામગીરી તાત્કાલિક શરૂ કરવામાં આવશે અને આવી ઘટનાઓને અટકાવવામાં આવશે. સુપ્રીમ કોર્ટના વકીલ વિશાલ તિવારીએ આ જાહેર હિતની અરજી દાખલ કરી છે.
જવાબદાર અધિકારી ગુમ:ગુજરાતના મોરબીમાં બ્રિજ ધરાશાયી (Morbi bridge collapse) થયાના એક દિવસ બાદ બ્રિજ રિપેર કરતી કંપની ઓરેવાના 2 અધિકારીઓ સહિત 9 લોકોની ધરપકડ કરવામાં આવી હતી. આ ધરપકડની પુષ્ટિ રાજકોટ રેન્જ આઈજી અશોક યાદવે કરી છે. સૂત્રોનું કહેવું છે કે તે ઓરેવાના મધ્યમ કક્ષાનો કર્મચારી છે. બ્રિજની દુર્ઘટના બાદ કંપનીના વરિષ્ઠ અધિકારીઓ ગાયબ હોવાની માહિતી પણ મળી રહી છે. કંપની ઓરેવાને ફિટનેસ સર્ટિફિકેટ મેળવવામાં કથિત નિષ્ફળતા અને પુલને અકાળે ફરીથી ખોલવા સહિત અનેક ક્ષતિઓ માટે દોષી ઠેરવવામાં આવે છે.