મોરબી જિલ્લામાં ગેરકાયદેસર ખનન અને રેતીની ચોરી મામલે થયેલી વિવિધ રજૂઆતો બાદ ખનીજ ચોરી કરનારાઓ વિરૂદ્ધ કડક હાથે કાર્યવાહી કરી ખનીજ ચોરી ડામવા અંગે ચર્ચા કરવામાં આવી હતી. તેમજ નવલખી બંદરમાંથી નીકળતાં ઓવરલોડ વાહનો, કોલસો કે મીઠુ ભરેલા ડમ્પરોમાં તાલપત્રી બાંધેલી ન હોય તેવા વાહનો પર કડક કાર્યવાહી કરવા પણ પોલીસ વિભાગને સુચના અપાઇ હતી.
મોરબીમાં ખનીજ ચોરી અને ટ્રાફિકની સમસ્યા મુદ્દે કડક હાથે કાર્યવાહી કરાશે: કલેકટર - રેતીની ચોરી
મોરબીઃ જિલ્લા કલેક્ટર જે. બી. પટેલના અધ્યક્ષસ્થાને મળેલી જિલ્લા સંકલન સહ ફરિયાદ સમિતિની બેઠકમાં જિલ્લાના વિવિધ પ્રશ્નો પર ચર્ચા વિચારણા કરી નિકાલ લાવવામાં આવ્યો હતો. જેમાં જિલ્લા કલેક્ટર કચેરીના કોન્ફરન્સ હોલમાં મળેલી સંકલન બેઠકમાં ખનીજ ચોરી, ઓવરલોડ વાહનો, ટ્રાફિક, પ્રદુષણ, ગેરકાયદેસર બાંધકામો અંગે કડક હાથે કાર્યવાહી કરવા આદેશો આપ્યા હતા. આ બેઠકમાં પદાધિકારીઓ દ્વારા રજૂ કરાયેલા પ્રશ્નો બાબતે ચર્ચા કરી મોરબીમાં વિવિધ સ્થાનો નક્કી કરી ભારે વાહનોના પ્રવેશ પર પ્રતિબંધ અને ટ્રાફિકની વ્યવસ્થા વધુ સુચારૂ કરવા પર ભાર મુકવામાં આવ્યો હતો.
મોરબીમાં ખનીજ ચોરી અને ટ્રાફિકની સમસ્યા મુદ્દે કડક હાથે કાર્યવાહી કરાશે: કલેકટર
આ મુદ્દે પોલીસ, આરટીઓ અને પોર્ટ પ્રસાશન દ્વારા સંયુક્ત રીતે ડ્રાઇવ યોજવા પણ નક્કી કરવામાં આવ્યું હતું. જે ક્રશર પ્લાન્ટ પ્રદુષણના નિયમોનું ઉલ્લંઘન કરતાં હોય તેમના વિરૂદ્ધ પણ કાયદેસરની કાર્યવાહી કરવા પણ જિલ્લા કલેક્ટર જે.બી. પટેલ દ્વારા સુચનાઓ આપવામાં આવી હતી.
ટંકારા તાલુકામાં પવનચક્કીઓ નાંખવા મુદ્દે ખેડૂતોને યોગ્ય વળતર આપવા અંગે પણ રજૂઆતો કરાઇ હતી. માળીયા તાલુકા સેવા સદનનું નવુ બિલ્ડીંગ બનાવવા તેમજ તાલુકા પંચાયતના સ્ટાફ ક્વાર્ટર માટે જમીન ફાળવવા અંગે પણ ચર્ચા કરવામાં આવી હતી.