મોરબી જિલ્લ્લામાં સતત બે દિવસથી વરસાદી માહોલ, ટંકારામાં 6.5 ઇંચ વરસાદ

મોરબી જિલ્લામાં સતત બે દિવસથી વરસાદ પડતા ખેડૂતો ખુશ થયા હતાં. જેમાં ટંકારામાં 6.5 ઇંચ જેટલો વરસાદ વરસ્યો હતો. આ ધોધમાર વરસાદથી રોડ પર પાણીની નદીઓ વહી હતી.

મોરબીઃ જિલ્લામાં સતત બે દિવસથી વરસાદી માહોલ જોવા મળી રહ્યો છે, ત્યારે શનિવારે સમગ્ર જિલ્લામાં ક્યાંક ધોધમાર તો ક્યાંક ધીમીધારે વરસાદ વરસી રહ્યો હતો. જેમાં ટંકારામાં 6.5 ઇંચ જેટલો વરસાદ વરસ્યો હતો.

મોરબી જિલ્લામાં ક્યાં કેટલો વરસાદ નોંધાયો..

મોરબી-26 મીમી

વાંકાનેર -82 મીમી

હળવદ-8 મીમી

ટંકારા -164 મીમી

માળીયા- 10 મીમી

મોરબી જિલ્લામાં શનિવારે સાંજના 6થી સવારના 8 વાગ્યા સુધીમાં મોરબીના આજુ-બાજુના વિસ્તારમાં વરસાદથી ધરતી પુત્રોમાં ખુશી થયા હતા અને ટંકારામાં ધોધમાર વરસાદથી રોડ પર પાણીની નદીઓ વહી હતી.