મોરબીઃ રાજકોટ સિવિલ હોસ્પિટલમાં દાખલ થયેલ મોરબીના દરબારગઢ સંઘવી શેરીના રહેવાસી 60 વર્ષના પુરુષનો કોરોના રીપોર્ટ પોઝિટિવ આવ્યો છે જેની કોઈ ટ્રાવેલ હિસ્ટ્રી માલૂમ પડી નથી તે ઉપરાંત ગઈકાલે દરબારગઢ વિસ્તારની સુથાર શેરીમાં પોઝિટિવ જાહરે થયેલ ૫53 વર્ષના પુરુષના પત્ની 48 વર્ષની મહિલાનો રીપોર્ટ પોઝિટિવ જાહેર થયો છે જે દર્દી હાલ રાજકોટ સિવિલ હોસ્પિટલ ખાતે સારવારમાં હોવાનું આરોગ્ય વિભાગે જણાવ્યું હતું. તે ઉપરાંત, ગઈકાલે વિવિધ આરોગ્ય સંસ્થા ખાતેથી કુલ 91 સેમ્પલ લેવાયા હતા જેમાં 6 સેમ્પલ ટેકનીકલ કારણોસર રદ થયા છે જયારે બાકીના 85 સેમ્પલ નેગેટિવ જાહેર થયાં છે.
મોરબી શહેરમાં વધતો જતો કોરોનાનો કેર તે ઉપરાંત રાજકોટ સિવિલ હોસ્પિટલમાંથી વધુ બે પોઝિટિવ કેસ જાહેર થયાં છે જેમાં ગઈકાલે જાની શેરીમાં પોઝિટિવ આવેલ 30 વર્ષના મહિલાના 31 વર્ષના પતિનો રીપોર્ટ તેમ જ પરિવારને સંલગ્ન પરિવારના 14 વર્ષના બાળકનો રીપોર્ટ પોઝિટિવ આવ્યો છે. સોમવારે મોરબી જિલ્લામાં કુલ ચાર કેસ નોંધાતાં કુલ આંક 58 પર પહોંચ્યો છે. વાંકાનેરની અમરનાથ સોસાયટીના રહેવાસી ૫૫ વર્ષના વૃદ્ધાનો કોરોના રીપોર્ટ પોઝિટિવ આવ્યો હતો. જેની રાજકોટ સિવિલ હોસ્પિટલમાં સારવાર ચાલતી હતી જોકે વૃદ્ધાને છેલ્લાં ત્રણ વર્ષથી હાઈપર ટેન્શન અને હૃદયની પણ તકલીફ હતી જે વૃદ્ધાનું આજે રાજકોટ સિવિલ ખાતે મોત થયું છે.ે મોરબી જિલ્લામાં અગાઉ રવાપર ગામના યુવાન બાદ કોરોનાથી આ બીજું મોત છે. મૃત્યુ પામેલાં વૃદ્ધાના પુત્રવધૂનો રીપોર્ટ ગત રાત્રિના પોઝિટિવ આવ્યો છે જે પણ હાલ સારવાર હેઠળ છે.
