- મોરબીના ખાટકીવાસમાં બાઈક અથડાવવા મુદે ફાયરિંગ
- બાઈક અથડાતા મારામારીની ઘટના બાદ ફાયરિંગ કરાયું
- પોલીસ ટીમ દોડી ગઈ, વિસ્તારમાં ચુસ્ત બંદોબસ્ત ગોઠવાયો
મોરબી : ખાટકીવાસ વિસ્તારમાં રવિવારના રોજ મારામારીની ઘટના બની હતી. આ મારામારીના બનાવમાં ફાયરિંગ થતા એક યુવાનને ગોળી વાગતા મોત થયું હતું. તો રાજકોટ સારવારમાં પણ એક યુવાનનું મોત થયું હતું. બનાવમાં બે યુવાનના મોત થયા છે તો ચાર જેટલા ઈજાગ્રસ્તને સારવાર માટે હોસ્પિટલ ખસેડાયા છે.
મોરબીના ખાટકીવાસમાં બાઈક અથડાવવા મુદે ફાયરીંગમાં 2ના મોત, 4 ઈજાગ્રસ્ત
મોરબીના શક્તિ ચોક નજીક ખાટકીવાસ વિસ્તારમાં આવેલ બારશાખ રજપુત શેરીમાં રવિવારના બપોરના સુમારે મારામારીની ઘટના બની હતી. બાઈક અથડાયા બાદ બે જૂથ સામસામે આવી ગયા હતા. જેમાં મારામારીએ ઉગ્ર સ્વરૂપ ધારણ કર્યા બાદ ફાયરિંગ કરવામાં આવ્યું હતું. જે ફાયરિંગમાં 32 વર્ષના આદીલ રફીકભાઈ નામના યુવાનનું મોત થયું છે. જેના મૃતદેહને પીએમ અર્થે હોસ્પિટલ ખસેડાયો છે. જ્યારે 5 થી વધુ લોકોને નાની મોટી ઈજાઓ થતા સારવાર માટે રાજકોટ ખસેડવામાં આવ્યા હતા. જેમાં એક યુવાનની હાલત ગંભીર હોવાથી તેનું રાજકોટ હોસ્પિટલમાં સારવાર દરમિયાન મોત થયું હતું. જ્યારે ઇમરાન નામના યુવાનનું પણ મોત થતા કુલ મૃત્યુઆંક 2 થવા પામ્યો છે. જે મારામારીમાં મમુ દાઢી સહિતના 4 લોકોને ઈજા થતા રાજકોટ ખસેડાયા છે.
2 ના મોત, અન્ય 4 ઈજાગ્રસ્ત થતા રાજકોટ ખસેડવામાં આવ્યા
મારામારી બાદ 2 થી 3 ત્રણ રાઉન્ડ ફાયરીંગ થયાની માહિતી પ્રાપ્ત થઇ છે તો બઘડાટીમાં બાઈકમાં તોડફોડ થવા પામી હતી સાથે જ સ્થળ પરથી ધોકા જેવા હથિયારો પણ મળી આવ્યા હતા હાલ વિસ્તારમાં પોલીસે ચુસ્ત બંદોબસ્ત ગોઠવી દીધો છે મૃતક આદીલ નામનો યુવાન સુન્ની મુસ્લિમ સમાજનો પ્રમુખના પુત્ર હોવાનું જાણવા મળ્યું છે