મોરબીમાં સરકારી જમીન પરથી ગેરકાયદેસર દબાણ હટાવાયું

મોરબીઃ જિલ્લાના મકનસર ગામે આવેલા પ્રેમજીનગર વિસ્તારમાં સરકારી જમીન પર દબાણ કરવામાં આવ્યું હતું. જે મામલતદાર અને ટીડીઓની ટીમે પોલીસને સાથે રાખી દબાણ દૂર કર્યું હતું.

મોરબીના મકનસર ગામના પ્રેમજીનગર વિસ્તારમાં સરકારી જમીન પર દબાણ થયાનું માહિતી મળતાં વહીવટી તંત્ર દોડતું થયું હતું. જેમાં મોટી વાવડી ગામેથી હિજરત કરી આવતા લોકોને કલેક્ટર દ્વારા ત્રણ એકર સરકારી જમીન ફાડવવામાં આવી હતી. તે જમીન પર અમુક તત્વોએ પેશકદમી કરી જમીન પર પાંચ મકાનો એક ગેરેજ સહિતનું દબાણ કરવામાં આવ્યું હતું.

ત્યારે ડેપ્યુટી કલેક્ટર અનિલ ગોસ્વામી અને ટીડીઓ ગોહિલ સહિતની ટીમે તે દબાણ દૂર કરી અને સરકારી જમીનને ખુલ્લી કરી હતી.