Congress protest: પેટ્રોલ ડીઝલના ભાવ વધારાનો વિરોધ કરતાં મોરબી કોંગ્રેસના 16 કાર્યકરોની અટકાયત

સમગ્ર ગુજરાતભરમાં આજે પેટ્રોલ-ડીઝલના ભાવ વધારાને લઈને Congress દ્વારા વિરોધ કરવામાં આવ્યો હતો. જેમાં મોરબી જિલ્લા કોંગ્રેસ પ્રમુખ સહિતના કાર્યકરો પણ પેટ્રોલપંપ સુધી પહોચ્યા હતાં અને બાદમાં તેમની અટકાયત કરવામાં આવી હતી.

• રેલી અને બેનરો સાથે મંજૂરી વગર કોંગ્રેસે કર્યો Protest
• પેટ્રોલપંપ નજીક પોલીસે કોંગ્રેસી કાર્યકરોની અટકાયત કરી
• ધારાસભ્ય લલિત કગથરા સહિત 16 કોંગ્રેસી કાર્યકરોને ડીટેઈન

મોરબીઃ પેટ્રોલ-ડીઝલના દિવસેને દિવસે વધી રહેલા ભાવ પરેશાન કરી રહ્યાં હોઇ દરેક નાગરિક પરેશાન છે, ત્યારે આજે મોરબી જિલ્લા કોંગ્રેસ દ્વારા પ્રદેશ અધ્યક્ષની સૂચના મુજબ પેટ્રોલ – ડીઝલના ભાવ વધારાનો વિરોધ (Congress protest) કાર્યક્રમ કરવામાં આવ્યો હતો.

આ પણ વાંચોઃ આણંદમાં પેટ્રોલના ભાવ વધારા સામે કોંગ્રેસનું વિરોધ પ્રદર્શન

વહીવટીતંત્ર દ્વારા મંજૂરી આપવામાં આવી ન હતી

પ્રવર્તમાન કોરોના ગાઇડલાઇનનો લઇ (Congress protest) કાર્યક્રમને વહીવટીતંત્ર દ્વારા મંજૂરી આપવામાં આવી ન હતી પણ જિલ્લા કોંગ્રેસ પ્રમુખ લલિતભાઈ કગથરા સહિત કોંગ્રેસ આગેવાનો શનાળા રોડ પર આવેલ છોટાલાલ પેટ્રોલપંપ સુધી રેલી યોજી હતી અને છોટાલાલ પેટ્રોલપંપના પ્રાંગણમાં સરકાર હાય-હાયના નારા લગાવતા પોલીસ કાફલાએ તમામ કોંગ્રેસ આગેવાનો કાર્યકર્તા આગેવાનોને ડીટેઈન કરવામાં આવ્યા હતાં. તો ધારાસભ્ય લલિત કગથરા સહિત 16 કોંગ્રેસી કાર્યકરોને ડીટેઈન કરવામાં આવ્યાં હતાં.

આ પણ વાંચોઃ જામનગરમાં કોંગ્રેસે પેટ્રોલ-ડિઝલના વધતા ભાવને લઈને વિરોધ કર્યો