મોરબીમાં સત્તા બહારનો હુકમ કરવા બદલ વાંકાનેરના નાયબ કલેક્ટર સસ્પેન્ડ

મોરબીના વાંકાનેરમાં ડેપ્યુટી કલેક્ટર તરીકે ફરજ બજાવતા એન. એફ. વસાવાને સસ્પેન્ડ કરવામાં આવ્યા છે. તેમણે તેમની સત્તા કરતા વધુ સત્તાનો ઉપયોગ કર્યો હોવાની ફરિયાદ રાજ્ય સરકારમાં થઈ હતી. એટલે સરકાર દ્વારા તેમને સસ્પેન્ડ કરવામાં આવ્યા છે.

• મોરબીમાં વાંકાનેરના નાયબ કલેક્ટર એન. એફ. વસાવા સસ્પેન્ડ
• સત્તા કરતા વધુ સત્તાનો ઉપયોગ કરવાની સરકારમાં થઈ હતી ફરિયાદ
• કલેક્ટરે રાજ્ય સરકારમાં આ બાબતે રિપોર્ટ રજૂ કરવામાં આવ્યો હતો

મોરબીઃ આ અંગે મળતી માહિતી અનુસાર મોરબી જિલ્લાના વાંકાનેર તાલુકામાં હાલ ડેપ્યુટી કલેકટર તરીકે ફરજ બજાવતા એન. એફ. વસાવાએ તેમને આપેલી સત્તાનો કરતા વધુ સત્તાનો ઉપયોગ કરી કેટલાક જમીનના કેસમાં નિર્ણય લીધા હતા. આ બાબતની ફરિયાદ રાજ્ય સરકારમાં થઈ હતી. આથી જિલ્લા કલેકટરની આ બાબતની તપાસ સોંપવામાં આવતા તેમણે તપાસ કરાવતા આવા હુકમો થયા હતા.

જેથી કલેકટર દ્વારા રાજ્ય સરકારમાં આ બાબતે રિપોર્ટ કરવામાં આવ્યો હતો, જેના ધ્યાનમાં રાખી રાજ્ય સરકાર દ્વારા હાલ તેમને ફરજ મોકૂફ કરી અને પાટણ ખાતે બદલી કરવામાં આવી છે તેવું અધિકારી સૂત્રોમાંથી જાણવા મળ્યું છે. ડેપ્યુટી કલેક્ટરની કામગીરી સામે સવાલો હતા કર્મચારીઓમાં ગણગણાટ જોવા મળ્યો છે.