મોરબી: જીલ્લામાં હત્યા જેવા અપરાધ સામાન્ય બની ગયા છે. જીલ્લામાં હત્યા અને લૂંટ જેવા બનાવો છાશવારે બનતા રહે છે, ત્યારે હળવદના ચરાડવા ગામ નજીક કેનાલમાંથી યુવાનનો મૃતદેહ મળી આવ્યો છે, જે મૃતદેહ હત્યા કર્યા બાદ સળગાવી દઈને નર્મદા કેનાલમાં (Narmada Canal) ફેક્યાની આશંકા વ્યક્ત કરવામાં આવી રહી છે. આ મામલએ હળવદ પોલીસે (Halwad police) ફરીયાદ નોંધી વધુ તપાસ હાથ ધરી છે
યુવાનને તીક્ષણ હથિયારના ઘા મારી મૃતદેહને સળગાવી ફેંકી દેવાયો
હળવદ તાલુકાના ચરાડવા નજીકથી પસાર થતી નર્મદા કેનાલમાં યુવાનનો મૃતદેહ હોવાની માહિતી મળતા હળવદ પોલીસ ટીમ દોડી ગઈ હતી. અંદાજે ૨૫ થી ૩૦ વર્ષની વયના યુવાનને છીરીના ઘા ઝીંકી ત્યારબાદ મૃતદેહ સળગાવી દીધેલ હોય તેવી માહિતી પ્રાપ્ત થઇ હતી. આ વિગતના આધારે ઘટના સ્થળે હળવદ પોલીસ પહોંચી હતી. યુવાનના દેહને જોતા હત્યાની આશંકાને પગલે હળવદ પોલીસ અને મોરબી એલસીબી ટીમે (Morbi LCB team) તપાસના ચક્રો ગતિમાન કર્યા છે.
હળવદ પીએસઆઈ રાજેન્દ્ર ટાપરીયાએ પોલીસ ફરિયાદ નોંધાવી