- મોરબીના પીપળી રોડ પર થયેલી લૂંટ મામલે ફરિયાદ નોંધાઈ
- મોરબીના પીપળી રોડ પર ધોળે દિવસે રોકડ રકમ ભરેલા થેલાની લૂંટ કરી આરોપીઓ નાસી ગયા
- બાઈક પર આવેલા અજાણ્યા શખ્સોએ કરી રોકડ ભરેલા થેલાની લૂંટ
- ભોગ બનનારની આંખમાં મરચું છાંટી કરી લૂંટ
મોરબી: તાલુકા પોલીસે ભોગ બનનાર આશિષસિંહ મહેન્દ્રસિંહ વાઘેલા(ઉ.19) પીપળી ગામની સીમવાળાની ફરિયાદ લેવામાં આવી હતી. ફરિયાદમાં જણાવ્યું છે કે, આશિષસિંહ વાઘેલા પોતાની ઓફિસનું બાકી પૈસાનું કલેક્શન કરવા માટે સવારના 10:30 વાગ્યેથી અલગ-અલગ જગ્યાએ ગયેલા અને તમામ જગ્યાએથી જુદી-જુદી રોકડ રકમ મળેલી હતી. પોતાની ઓફિસ તરફ જતાં હતા તે દરમિયાન એફિલ સિરામિક કારખાનાનાં કાચા રસ્તેથી પીપળી તરફ જતાં અજાણ્યા આરોપીઓએ આશિષસિંહ વાધેલાની બાજુમાં મોટર સાઈકલમાં નીકળી મરચાંની ભૂકી છાંટી રોકડ રૂપિયા 7,61,850 ભરેલા થેલાની લૂંટ કરી નાસી ગયા હતા.
લૂંટ મામલે ફરિયાદ નોંધાઈ
આ પણ વાંચો:મોરબીમાં અજાણ્યા ઇસમેં બાઈકમાં લીફ્ટ આપી છરીની અણીએ ચલાવી લૂંટ