વિસનગરમાં તસ્કરોએ હોટલને બનાવી નિશાન, 30 હજારની કરી ચોરી

મહેસાણાઃ વિસનગરના રેલવે સ્ટેશન પર આવેલ ગુપ્તા હોટલમાં દુકાનનું તાળું તોડી તસ્કરોએ 30 હજાર રોકડની ચોરી કરી હોવાની ઘટના સામે આવી છે. મહત્વનું છે કે, તસ્કરોએ નાસ્તા હાઉસને નિશાન બનાવી શટરનું તાળું તોડી દુકાનમાં પ્રવેશ કરી ચોરીને અંજામ આપ્યો છે.

વિસનગર પોલીસ સામે પણ રાત્રી પેટ્રોલિંગને લઈ અનેક સવાલો ઉભા થઇ રહ્યા છે. ત્યારે હોટલ માલિકે 30 હજારની મત્તા ચોરીની વિસનગર શહેર પોલીસ મથકે ફરિયાદ નોંધાવતા પોલીસે હાલમાં તપાસનો દોર શરૂ કર્યો છે.