મહેસાણાઃ નગર પાલિકામાં પ્રમુખ તરીકે નિમિશા પટેલે ચાર્જ સંભાળ્યો હતો, ત્યારથી જ ભાજપ દ્વારા નિમિશા પટેલને વિશ્વાસમાં લેવામાં આવ્યાં હતાં, જે બાદ કોંગ્રેસમાં આંતરિક વિખવાદ સર્જાયો હતો. જોકેએ વિખવાદે ચરમસીમા પાર કરતા કોંગ્રેસના મહિલા પાલિકા પ્રમુખ નિમિશા પટેલે સત્તા પરથી દુર થવું પડ્યું હતું.
મહેસાણા પાલિકામાં 29 મતો થી પ્રમુખ સામેનો અવિશ્વાસ પસાર, પાલિકાને 4 વર્ષમાં ચૉથા પ્રમુખ મળશે
મંગળવારના રોજ વધુ એકવાર મહેસાણા પાલિકામાં કોંગ્રેસના ઘનશ્યામ સોલંકીને પોતાના જ પક્ષના 11 નગર સેવકોએ પાલિકા અધિકારી સમક્ષ કરેલી પ્રમુખ સામેની અવિશ્વાસની દરખાસ્ત પર સભા બોલાવી ભાજપના 18 નગર સેવકોનો ટેકો મેળવી 29 મતોની બહુમતી સામે અવિશ્વાસની દરખાસ્ત પસાર કરતા ફરી એક વાર કોંગ્રેસના પ્રમુખે સત્તા પરથી હટવાનો વારો આવ્યો છે.