મહેસાણા દૂધસાગર ડેરીની ચૂંટણીના પડઘમ શરૂ, પ્રાથમિક મતદાર યાદીમાં 15 વિભાગમાં કુલ 1155 મતદારો

દૂધસાગર ડેરીના નિયામક મંડળની ચૂંટણીનો કાર્યક્રમ હજુ જાહેર થયો નથી, પરંતુ ચૂંટણી પ્રક્રિયાના ભાગરૂપે બુધવારના રોજ પ્રાથમિક મતદાર યાદી પ્રસિદ્ધ કરાઇ છે. જેમાં 15 વિભાગોમાં કુલ 1153 મતદારોનો સમાવેશ થાયો છે.

• મહેસાણા દૂધસાગર ડેરીની ચૂંટણીના પડઘમ શરૂ
• દૂધસાગર ડેરીની પ્રાથમિક મતદાર યાદી જાહેર
• પ્રાથમિક મતદાર યાદીના 15 વિભાગમાં કુલ 1155 મતદારો
• નિયામક મંડળની 15 બેઠકોની ચૂંટણી યોજાશે
• વાંધા નિકાલ બાદ 11 ડિસેમ્બરે આખરી યાદી જાહેર કરાશે

મહેસાણાઃ જિલ્લા સહકારી દૂધ ઉત્પાદક સંઘ એટલે કે દૂધસાગર ડેરીના નિયામક મંડળની ચૂંટણીનો કાર્યક્રમ હજુ જાહેર થયો નથી, પરંતુ ચૂંટણી પ્રક્રિયાના ભાગરૂપે બુધવારે પ્રાથમિક મતદાર યાદી પ્રસિદ્ધ કરાઇ છે. જેમાં 15 વિભાગોમાં કુલ 1153 મતદારોનો સમાવેશ થાય છે. જે પૈકી દૂધના જથ્થાના પ્રમાણમાં આવતા 4 વિભાગોના મતદારોને બે- બે મતનો લાભ મળશે. 15 વિભાગો પૈકી ખેરાલુ- વડનગર- સતલાસણા વિભાગમાં સૌથી વધુ 115 મતદાર છે, જ્યારે સૌથી ઓછા 99 મતદાર માણસા વિભાગમાં છે.

મહેસાણા દૂધસાગર ડેરીની ચૂંટણીના પડઘમ શરૂ, પ્રાથમિક મતદાર યાદીમાં 15 વિભાગમાં કુલ 1155 મતદારો

ભાજપની ટીમ દૂધસાગર ડેરી કબજે કરવા કરી રહી છે મથામણ

દૂધસાગર ડેરીમાં સત્તા મેળવવા પૂર્વ ચેરમેન વિપુલ ચૌધરી અને સામે ભાજપના અશોક ચૌધરી જૂથ મેદાને છે. જેમાં કેટલાક વિભાગમાં ભાજપના કાર્યકરોને સાચવવા અંદરખાને જવાબદારી સોંપાઇ હોવાનું સૂત્રો જણાવે છે. જેને લઇ ભાજપની ટીમ દૂધસાગર ડેરી કબજે કરવા મંડળી પ્રતિનિધિઓના મતો ખેંચવા પરસેવો પાડી રહી છે.

દૂધસાગર ડેરીમાં ચૂંટણીનો ધમધમાટ

દૂધસાગર ડેરીમાં ચૂંટણીના ધમધમાટ વચ્ચે ગત 17મીથી સ્પેશિયલ ઑડિટ વિભાગ દ્વારા દૂધ મંડળીઓમાં ઓડિટર દીઠ ચાર-પાંચ મંડળીઓનો કાર્યક્રમ આપી દેવાયો છે. અને મંડળીઓના માથે વહીવટી ઑડિટનો સકંજો કસાયો છે. હાલ 18 જેટલા ઑડિટર વિવિધ દૂધ મંડળીના ઑડિટમાં લાગ્યા છે. ગત 17મી થી 30મી સુધીના 13 દિવસમાં 55 જેટલી મંડળીના ઑડિટ થઈ ગયા છે. 1લી ડિસેમ્બરથી 16 મંડળીના ઑડિટ હાલમાં ચાલી રહ્યા છે.

ઉલ્લેખનીય છે કે, ઑડિટમાં ડી વર્ગ આવે તો મંડળી મતદાનથી વંચિત રહી શકે છે. જોકે, ઑડિટ કરાયેલી મંડળીના અહેવાલોની સમીક્ષા કરાશે અને ત્યાર બાદ મંડળીના વર્ગ અંગે આખરી નિર્ણય લેવાશે તેવા અહેવાલ સામે આવ્યા છે. હાલના તબક્કે ફરજિયાત ઑડિટ અને વર્ગ ફાળવણી બાબતની કોઇ રજૂઆત મંડળી તરફથી મળી ન હોવાની બાબત પણ ચર્ચાઈ રહી છે, ત્યારે મહત્વનું છે કે, ચૂંટણી પ્રક્રિયા માટે નિમાયેલા અધિકારી સી. સી. પટેલ વિસનગર પ્રાંત અધિકારીનો સતત સંપર્ક કરવા છતાં જરૂરી વિગતો મીડિયાને આપવાથી પાછી પાની કરી રહ્યા છે.