મહેસાણઃ જિલ્લાના ખેરાલુ તાલુકાના રહેમાનપુરા દેલવાડા રોડ નજીક બાઇક સ્લીપ થઇ હતી. આ અકસ્માતમાં સાબરકાંઠાના 25 વર્ષીય વિક્રમનું ઘટના સ્થળે મોત નીપજ્યું હતું. મૃતક વિક્રમ પોતાની સાસરી ડભોડાથી સાંબરકાઠા તરફ જઈ રહ્યો હતો. આ દરમિયાન વિક્રમને અકસ્માત નડ્યો હતો. ખેરાલુ પોલીસે સમગ્ર મામલે મૃતદેહનું પોસ્ટમોર્ટમ કરાવી અકસ્માતે મોતનો ગુનો નોંધી વધુ તપાસ હાથ ધરી હતી.
મહેસાણા જિલ્લાના ખેરાલુ તાલુકામાં આવેલા રહેમાનપુરા દેલવાડા માર્ગ પર સાબરકાંઠા તરફ જઈ રહેલા 25 વર્ષીય બાઇક ચાલક વિક્રમનું બાઇક સ્લીપ થઇ જતા ગમખ્વાર અકસ્માત સર્જાયો હતો. આ અકસ્માતમાં બાઇક ચાલક યુવકને ગંભીર ઇજાઓ થતા ઘટના સ્થળે જ મોત નીપજ્યું હતું.