ખેડૂતોને ખેતી સામગ્રી આસાનીથી મળી રહે તે માટે I-ખેડૂત પોર્ટલનો શુભારંભ

ખેડૂતોની ચિંતા કરતા સરકાર દ્વારા I-ખેડૂત પોર્ટલની શરૂઆત 6 માર્ચથી કરવામાં આવી છે. આ I-ખેડૂત પોર્ટલ આગામી 30 એપ્રિલ સુધી ચાલનાર છે. જેમાં, અરજી કરવા ગામના VCની પણ મદદ લઇ શકાશે.

• મહેસાણા જિલ્લાના ખેડૂતોએ I-ખેડૂત પોર્ટલ માટે ખુશી વ્યક્ત કરી
• ઓનલાઈન અરજી થી ઠેકેદારો સહિતના વચેટીયા છેતરપિંડી નહિ આચરી શકે
• ખેડૂતો સબસીડી સાથે જરૂરી સાધન સામગ્રી માટે ઓનલાઈન અરજી કરી શકશે

મહેસાણા: જિલ્લામાં ખેતી અને પશુપાલન મુખ્ય વ્યવસાય રહેલા છે. ત્યારે, બન્ને આ મુખ્ય વ્યવસાય માટે હાલના સમયમાં ઝડપી અને સચોટ કામ માટે આધુનિક પદ્ધતિ અને સાધન સામગ્રીનો ઉપયોગ અનિવાર્ય બન્યો છે. ત્યારે, ખેડૂતોની ચિંતા કરતા સરકાર દ્વારા I-ખેડૂત પોર્ટલની શરૂઆત 6 માર્ચથી કરવામાં આવી છે. ખેડૂતો પોતાને ખેતી કે પશુપાલન માટે સાધન સામગ્રીની તાતી જરૂરિયાતો મુજબ ડોક્યુમેન્ટ સાથે ઓનલાઈન અરજી કરી સરકારના આ પોર્ટલ પરથી જરૂરિયાત મુજબની ચીજ વસ્તુઓ માટે માંગણી કરી શકશે.

આ પણ વાંચો:ગુજરાત બજેટઃ કૃષિ, ખેડૂત કલ્યાણ અને સહકાર વિભાગ માટે કુલ રૂ.7,232 કરોડની જોગવાઈ

ઓનલાઈન અરજીથી ખેડૂતોને પ્રાથમિકતા મળશે

મહત્વનું છે કે, આ I-ખેડૂત પોર્ટલ આગામી 30 એપ્રિલ સુધી ચાલનાર છે. જેમાં, અરજી કરવા ગામના VCની પણ મદદ લઇ શકાશે. પોર્ટલ પર ઓનલાઈન અરજી કરતા ખેડૂતોને કચેરીઓના ધક્કા અને સમય સાથે ખર્ચ બચી જશે.