મહેસાણા જિલ્લામાં તાજેતરમાં જ એક અતિ ગંભીર એવા પડકાર રૂપ ગુન્હાઓની ઘટના બનવા પામી રહી છે. ત્યારે કાયદો વ્યવસ્થા અને સલામતીના ધ્યેય સાથે ગુનેગારોને પકડવામાં મહેસાણા પોલીસ વિભાગને વધુ એક હત્યાના ગુન્હામાં માત્ર 4 દિવસમાં સફળતા મેળવી છે. જેમાં એક પિતાને 2 પત્નીઓ હોવાથી અવાર નવાર ઘરમાં કંકાસ થતો હતો. જેને પગલે પોતાની જ 13 વર્ષિય પુત્રીને હત્યા કરી નાંખી હોવાનો ભેદ સામે આવ્યો છે.
મહેસાણા જિલ્લામાં આવેલા કડીના આદુંદરા નર્મદા કેનાલ પર 4 દિવસ અગાઉ એક 13 વર્ષિય સગીરાની ગંભીર હાલતમાં મૃતદેહ મળ્યાની ઘટના સામે આવ્યો હતી. જો કે આ સગીરાના મોત અંગે પોલીસ વિભાગ હત્યાની આશંકા સાથે સઘન તપાસ હાથ ધરતા આખરે સગીરાની હત્યા પાછળ પિતા-પુત્રીના સંબંધોને લાંછન લગાડતો પિતાને જ પોલીસે હત્યાના આરોપમાં ઝડપી પાડ્યો હતો.
ત્યારે પોલીસ દ્વારા હત્યાના આરોપમાં અટક કરેલ મૃતકના પિતાની પૂછપરછમાં પિતાએ કબૂલાત કરી હતી. કે પોતાને 2 પત્ની હોવાને પગલે ઘરમાં કંકાસ થતો હતો. ત્યારે પિતાએ કંકાસનો ભોગ જૂની પત્નીની પુત્રીને બનાવતા પોતે અમદાવાદથી એક્ટિવા પર પોતાની દીકરીને કડીના ચાલાસણ ગામે મુકવા આવતો હતો. તે દરમિયાન રસ્તામાં જ પોતાની સગી દીકરીની હત્યા કરી આદુંદરા ગામ નજીક નર્મદા કેનાલમાં ફેંકી દીધી હતી. જો કે મહેસાણા પોલીસની કુશળ કાર્યવાહીને પગલે હત્યાનો આરોપી આજે જેલના સળિયા પાછળ ધકેલાઈ ગયો હતો.
