સરકાર અને સામાજિક સંસ્થાઓ 'બેટી બચાવો બેટી પઢાઓ'ના સુત્ર સાથે સમાજને જાગૃત કરવા અનેક પ્રયાસો કરે છે. છતાં દિકરીઓ પ્રત્યેનો અમગણો સમાજમાંથી સંપુર્ણપણે નાબુદ થયો નથી. જેના દાખલાઓ મળતાં જ રહે છે. વધુ એક ઉદાહરણ મહેસાણાનાં કડી નજીકથી મળી આવ્યું છે. કડી પાસેથી પસાર થતી કેનાલમાં કોઈ નિષ્ઠુર માતાએ અથવા અન્ય કોઈએ 4 દિવસની નવજાત બાળકીને ફેંકી દીધી હતી. ત્યાંથી પસાર થતાં રાહદારીએ કેનાલમાં મૃતદેહ જોતા સ્થાનિક લોકોને તેમજ પોલીસને જાણ કરી હતી.
કડી નજીકની કેનાલમાંથી તાજી જન્મેલી બાળકીનો મૃતદેહ મળી આવ્યો