કાળજુ કંપાવનારી ઘટનાઃ સંતાકૂકડી રમતા 2 બાળકો કબાટમાં ફસાયા, બન્નેના મોત

વિસનગર તાલુકાના બોકરવાડા ગામે સ્લાઈડર વાળા કબાટમાંથી બે બાળકોના મૃતદેહ મળ્યા હતા. જેમાં પોલીસે તપાસ કરતા બન્ને બાળકો સંતાકુકડી રમતા-રમતા સ્લાઈડર વાળા ફસાયા હતા અને લાંબા સમય સુધી કબાટમાં બંધ રહેવાથી બન્ને બાળકોનું ગૂંગળામણના કારણે મોત નીપજ્યું છે.

• વિસનગરના બોકરવાડા ગામની ઘટના
• રમત રમતા કબાટમાં સંતાયેલા 2 બાળકોના મોત
• પગરખાં મૂકવાનો કબાટ બાળકોથી ન ખુલતા અંદર ગૂંગળામળથી મોતને ભેટ્યા
• ઘટનમાં 09 અને 10 વર્ષીય બે બાળમિત્રોના મોત
• વિસનગર તાલુકા પોલીસે ઘટના અંગે ગુનો નોંધી તપાસ હાથ ધરી

મહેસાણાઃ જિલ્લાના વિસનગર તાલુકાના બોકરવાડા ગામે દિનેશભાઈ પટેલનો 10 વર્ષીય પુત્ર સોહમ અને મનીશભાઈનો 9 વર્ષીય પુત્ર હર્ષિલ બન્ને મિત્રો ભેગા મળી રમતા હતા. જો કે, ઘણા લાંબા સમય બાદ સોહન ઘરે પરત ન આવતા તેની શોધખોળ શરૂ કરાઇ હતી. ત્યારે શોધખોળના અંતે બન્ને બાળકો ગામના એક બંધ મકાનના બહાર પગરખાં મૂકવાના સ્લાઈડર વાળા કબાટમાંથી મૃત હાલતમાં મળી આવ્યા હતા.

આ ઘટનાની જાણ વિસનગર તાલુકા પોલીસને થતા પોલીસે ઘટના સ્થળે પહોંચી પંચનામું કર્યું હતું. ત્યારબાદ બન્ને બાળકોના મૃત્યુ અંગે અકસ્માતે મોતનો ગુનો નોંધી મૃતદેહને પોસ્ટમોર્ટમ અર્થે ખસેડાયા હતા.