ખેડૂતોને રાહત: વણાકબોરી વિયરમાં પાણીની આવક થતાં 2.50 લાખ હેક્ટરમાં સિંચાઈ માટે પાણી મળશે

રાજ્યમાં અત્યારે સારો એવો વરસાદ પડી રહ્યો છે. અનેક જિલ્લાઓમાં સારો વરસાદ પડવાના કારણે જળાશયોનું જળસ્તર ઊંચું આવ્યું છે. સારા વરસાદના કારણે મહીસાગર જિલ્લાના કડાણા જળાશયમાં પાણીની આવક વધતા ડેમના 4 ગેટ ખોલી મહીસાગર નદીમાં પાણી છોડવામાં આવી રહ્યું છે અને વણાકબોરી વિયર ડેમનું લેવલ 226.25 ફૂટ થયું છે.

• કડાણા ડેમમાંથી પાણીની આવક 43,765 ક્યુસેક
• વણાકબોરી વિયરની હાલની સપાટી 226.25 ફૂટ
• વણાકબોરી વિયરમાંથી 38,000 ક્યુસેક પાણી છોડાયું
• 2.50 લાખ હેક્ટર વિસ્તારને સિંચાઈનો લાભ મળશે

મહીસાગર-બાલાસિનોર: સમગ્ર ગુજરાતના મોટા ભાગના વિસ્તારોમાં સારો વરસાદ વરસી રહ્યો છે. ઉપરવાસમાં આવેલા મહી બજાજ સાગરમાંથી પાણી છોડવામાં આવતા મહીસાગર જીલ્લાના કડાણા જળાશયમાં પાણીની આવક વધી છે. જેના કારણે કડાણા ડેમના 4 ગેટ ખોલી મહીસાગર નદીમાં પાણી છોડવામાં આવી રહ્યું છે. જેથી બાલાસિનોર તાલુકામાં આવેલ વણાકબોરી વિયરમાં પાણીની આવક થતાં આ ડેમ દ્વારા આણંદ, ખેડા, નડિયાદ અને ખંભાત સહિતના 2.50 લાખ હેક્ટરમાં ખેડૂતોને સિંચાઈ માટે તથા પીવાનું પાણી મળી રહેશે.

પાણીની આવક વધતા કડાણા ડેમના 4 ગેટ ખોલવામાં આવ્યા

ખેડૂતોના સુકાયેલા પાકને જીવતદાન મળ્યું

મહીસાગર કડાણા ડેમમાં હાલનું લેવલ 418.03 ફૂટ

કડાણા જળાશયમાં પાણીની આવક વધતા ડેમના 4 ગેટ ખોલી મહીસાગર નદીમાં પાણી છોડવામાં આવી રહ્યું છે અને વણાકબોરી વિયર ડેમનું લેવલ 226.25 ફૂટ થયું છે. હાલમાં વણાકબોરી વિયરમાંથી 38,000 ક્યુસેક પાણી છોડવામાં આવી રહ્યું છે. આ ડેમ દ્વારા આણંદ, ખેડા, નડીયાદ અને ખંભાત સહિતના 2.50 લાખ હેક્ટરમાં સિંચાઈ માટે પાણી પુરુ પાડવામાં આવે છે. ઉપરવાસમાં સારો વરસાદ વરસતા મહીસાગર કડાણા ડેમમાં હાલનું લેવલ 418.03 ફૂટ છે. કડાણા ડેમમાંથી 43,765 ક્યુસેક પાણી વણાકબોરી વિયરમાં છોડવામાં આવી રહ્યું છે. હાલમાં વણાકબોરી ડેમમાં પાણીની આવક 35,735 ક્યુસેક છે.

પાણી છોડવામાં આવતા ખેડૂતોના સુકાયેલા પાકને જીવતદાન મળ્યું

પાણી છોડવામાં આવતા ખેડૂતોમાં ખુશીનો માહોલ જોવા મળ્યો હતો. આ ડેમ દ્વારા શેઢી શાખા મારફતે અમદાવાદ અને ભાવનગર શહેરને પીવાનું પાણી પહોંચાડવામાં આવે છે. ગત દિવસોમાં ઓછા વરસાદને કારણે ખેડૂતની ખેતીને નુકસાન થાય તેમ હતું, તેમજ પીવાના પાણીની સમસ્યા ઊભી થવાની શક્યતા હતી, પરંતુ સારા વરસાદના કારણે વણાકબોરી વિયરમાંથી પાણી છોડવામાં આવતા ખેડૂતોના સુકાયેલા પાકને જીવતદાન મળ્યું છે, જેથી ખેડૂતોમાં ખુશીનો માહોલ સર્જાયો છે. જો કે આ વખતે જળાશયો પાણીથી ભેલા રહેતા ખેડા, આણંદ, નડિયાદ, ખંભાત, અમદાવાદ અને ભાવનગર જેવા શહેરોને પીવા માટે પાણી મળી રહેશે.

આ પણ વાંચો: ભાવનગર શેત્રુંજી ડેમ 12 તારીખથી સતત ઓવરફ્લો 50 દરવાજા ખોલ્યા : શહેરમાં ઢીંચણ સુધીના પાણી

આ પણ વાંચો:રાજકોટમાં ચાલુ સિઝનનો 51 ઈંચ વરસાદ, ડેમો થયા ઓવર