ગુજરાત

gujarat

ETV Bharat / state

મહિસાગર: આખરે એવું તો ઓ શું બન્યું કે લોકોની સુખાકારી માટે બનાવવામાં આવતા દવાખાનાનો જ વિરોધ કરવા લાગ્યા લોકો? વાંચો સમગ્ર મામલો

મહિસાગરના ડિટવાસ ગામમાં આદિવાસી ખેડૂતોએ CHC સેન્ટર બનાવવાનો વિરોધ કર્યો છે. આદિવાસી ખેડૂતોનો આરોપ છે કે, સરકારે આદિવાસી ખેડૂતોની ખેતીની જમીન બળજબરી પૂર્વક છીનવી લીધી છે. ઘણી વાર રજૂઆતો બાદ પણ અધિકારીઓ આદિવાસીઓની વાત સાંભળવા તૈયાર નથી. આ મામલે વિરોધ પ્રદર્શન કરનારા 30 જેટલા આદિવાસી લોકોની પોલીસે અટકાયત કરી છે.

CHC સેન્ટર બનાવવાનો વિરોધ
CHC સેન્ટર બનાવવાનો વિરોધ

By ETV Bharat Gujarati Team

Published : Dec 14, 2023, 3:14 PM IST

Updated : Dec 14, 2023, 3:21 PM IST

મહિસાગરના ડિટવાસ ગામે CHC સેન્ટર બનાવવાનો વિરોધ

મહિસાગર: આદિવાસીઓનું કહેવું છે કે, અધિકારીઓ રજૂઆતો અને નિયમોને નેવે મૂકી અન્યાય કરી રહ્યા છે. ગ્રામ પંચાયતે ઠરાવ કરી CHCના બાંધકામ માટે અન્ય જગ્યા ફાળવી હોવા છતાં અધિકારીઓ ગ્રામ પંચાયતને સાંભળવા તૈયાર નથી. હાઈકોર્ટે અગાઉનો કલેક્ટરનો હુકમ રદ કરી ખાતેદારોને સાંભળવાનો આદેશ આપ્યો હતો. હાઇકોર્ટના આદેશને કલેક્ટર ઘોળી પી ગયા અને 30 જેટલા મહિલાઓ સહિત આદિવાસીઓને ડિટવાસ પોલીસ ડીટેઈન કરવામાં આવ્યા છે.

CHC સેન્ટર બનાવવાનો વિરોધ

CHC સેન્ટરને લઈને વિરોધ:કડાણા તાલુકાના ડિટવાસ ગામમાં નવીન બની રહેલ CHC સેન્ટરના ખાત મુહૂર્ત પહેલાં જ વિવાદ સર્જાયો છે. જેમાં પોતાની ખેડાણ જમીન છીનવી લેવાના આરોપ સાથે આદિવાસી સમાજ દ્વારા વિરોધ કરવામાં આવ્યો છે. જેમાં વિરોધ કરી રહેલા 30 જેટલા આદિવાસીઓની પોલીસ દ્વારા અટકાયત કરવામાં આવી છે. ન્યાય ન મળે ત્યાં સુધી અમે ખાતેદારોએ જેલમાં રહેવાની પણ ચીમકી ઉચ્ચારી છે.

30 જેટલા આદિવાસી લોકોની અટકાયત

શું છે આદિવાસીઓના આરોપ:CHC સેન્ટર બનાવવા માટે સેંકડો વર્ષોથી ખેડાણ કરી ખેતી કરતા આદિવાસી સમાજના લોકોની જમીન બળજબરી પૂર્વક છીનવી લેતા આદિવાસી સમાજ દ્વારા વિરોધ કરવામાં આવ્યો હતો. ત્રણ વર્ષની રજૂઆતો બાદ પણ અધિકારીઓ આદિવાસીઓની વાત સાંભળવા તૈયાર નથી. 17 જેટલા ખાતેદારો અને તેમના કુટુંબીજનો CHC સેન્ટરના બાંધકામનો વિરોધ કરી રહ્યા છે.

30 જેટલા આદિવાસી લોકોની અટકાયત

ડિટવાસ ગામમાં નવીન CHC માટેનું મકાન બનાવવા સરકારે જમીન ખેડતા આદિવાસી ખેડૂતોને જમીનમાંથી બેદખલ કર્યા હતા. પોલીસ અને સત્તાના જોર બળજબરીપૂર્વક સરકારે બનાવવાની કામગીરી શરૂ કરવામાં આવતાં જમીનની ખાતેદાર મહિલાઓ સહિત આદિવાસીઓએ વિરોધ ઉઠાવ્યો હતો.

  1. 'સરકારના નિર્ણયથી સારા કર્મચારીઓ મળશે, પરંતુ ધો 12 પાસ કરેલા ઉમેદવારો નાસીપાસ થશે' - ઉમેદવારો
  2. આંતરરાજ્ય ચોરી કરતી ગેંગનો પર્દાફાસ, 41 ગુનામાં સામેલ મધ્યપ્રદેશ ગેંગના 3 સાગરિતો ઝડપાયા
Last Updated : Dec 14, 2023, 3:21 PM IST

For All Latest Updates

ABOUT THE AUTHOR

...view details