મહીસાગરમાં સંતરામપુરના પ્રાથમિક આરોગ્ય કેન્દ્રે નાગરિકોના કોરોના ટેસ્ટ કરાવ્યા

લોકોને કોરોનાથી બચાવવા માટે મહીસાગરમાં તંત્ર પૂરજોશમાં કામે લાગ્યું છે. હજી પણ લોકો કોરોનાને ગંભીરતાથી ન લેવામાં આવતા તંત્ર દ્વારા દરેક લોકોના કોરોના ટેસ્ટ કરાવવામાં આવી રહ્યા છે. સંતરામપુરના પ્રાથમિક આરોગ્ય કેન્દ્ર તેમ જ આરબીએસકે દ્વારા સરવે કરવામાં આવ્યો છે. હાલમાં તમામ લોકોને રેપીડ એન્ટિજન અને આરટીપીસીઆર ટેસ્ટ કરાવવામાં આવી રહ્યો છે.

• આરોગ્ય વિભાગ દ્વારા સર્વે રેપીડ એન્ટિજન અને આરટીપીસીઆર ટેસ્ટ કરવામાં આવ્યા
• નગરના વિવિધ વિસ્તારોમાં હોમિયોપેથિક દવા આર્સેનિક આલ્બમની ગોળીઓનું વિતરણ કરાયું
• તબીબોની 9 ટીમોએ ગામના અગ્રણીઓ સાથે મુલાકાત કરી પરિસ્થિતિની ચર્ચા કરી

લુણાવાડાઃ મહીસાગરના લોકો કોરોનાને ગંભીરતા ન લેતા હોવાથી તંત્ર લોકોને જાગૃત કરી રહ્યું છે. લોકોને કોરોના માર્ગદર્શિકા અંગેનું માર્ગદર્શન આપી રહ્યું છે. આરોગ્ય કેન્દ્ર દ્વારા 9 ટીમ બનાવી છે. આ ટીમો તથા ધન્વંતરી આરોગ્ય રથ અને આરબીએસકેની ટીમ દ્વારા આરોગ્ય લક્ષી કામગીરી અને સરવે કરવામાં આવ્યું હતું. જયારે સામાન્ય લક્ષણો ધરાવતા હોય તેઓના રેપીડ એન્ટીજન અને RTPCR ટેસ્ટ કરવામાં આવ્યા હતા. આ ઉપરાંત નાગરિકોની રોગપ્રતિકારક શકિતમાં વધારો થાય તે માટે હોમિયોપેથિક દવા આર્સેનિક આલ્બમની ગોળીઓનું વિતરણ કરવામાં આવ્યું હતું.

મહીસાગરમાં સંતરામપુરના પ્રાથમિક આરોગ્ય કેન્દ્રે નાગરિકોના કોરોના ટેસ્ટ કરાવ્યા

લોકોને કોરોના ગાઈડલાઈન અંગે માર્ગદર્શન આપવામાં આવ્યું

આરોગ્ય તંત્ર દ્વારા લોકોને સોશિયલ ડિસ્ટન્સ, માસ્કનું મહ્ત્વ અને સેનિટાઈઝરના ઉપયોગ અંગે સમજાવવામાં આવ્યું હતું. આ ઉપરાંત માસ્ક વગર ઘરની બહાર ન નીકળવા, સાબુ/સેનિટાઈઝથી વારંવાર હાથ ધોવા અંગે પણ જાગૃત કરવામાં આવ્યા હતા.