મહિસાગરમાં આવેલો સાતકુંડા ધોધ જીવંત થતા પ્રાકૃતિક સૌદર્યથી ખીલી ઉઠ્યુ

મહિસાગરઃ મહિસાગર જીલ્લો પણ પોતાની પ્રાકૃતિક સંપ્રદાથી ભરપુર છે. ચોમાસામાં પ્રકૃતિ સોળે કળાએ ખીલી ઉઠે છે. જેને લઇને સાતકુંડા ગામે આવેલો ધોધ જીવંત થઈ ખીલી ઉઠ્યો છે. આ સ્થળ પર્યટકો માટે આકર્ષનું કેન્દ્ર બન્યું છે.

મહીસાગર જિલ્લાનું મુખ્ય મથકગણાતા લુણાવાડાથી લગભગ 20 કિમીના અંતરે આવેલું સંતરામપુર તાલુકાનું સાતકુંડા ત્રણ તાલુકાના ત્રિભેટે છે. પ્રકૃતિપ્રેમી માટે ઝરણાઓ અને જળધોધ કુદરત તરફથી અમૂલ્ય અને અદ્વિતિય ભેટ છે.

પ્રાકૃતિક સોંદર્યના ચાહકોને ધોધનું દ્રશ્ય મનમોહિત કરી દે છે. ખાસ કરીને વર્ષાઋતુના જોબન ઉપર હોય અને ધરતીમાતાએ લીલી ચુંદડી ઓઢી લીધી હોય, ત્યારે ઉંચાઈએથી પડતા સાતકુંડાના ધોધ જોઈને કુદરત ઉપર આફરિનપોકારી જવાનું મન થઇ જાય તેવા અદભૂત દ્રશ્યને માણવું એક લ્હાવો છે. જેને લઇને શનિવાર અને રવિવારની રજાઓમાં પર્યટકો ન્હાવાનો આનંદ માણવા અહીં મુલાકાત લે છે.