લુણાવાડા વિધાનસભા બેઠક પરની ચૂંટણીની આડે હવે ગણતરીના દિવસો તેમજ પ્રચારના પડઘમ બંધ થવાના ગણતરીના કલાકો બાકી રહેતા ભાજપ અને કોંગ્રેસ દ્વારા ચૂંટણી પ્રચાર તેજ કરી દેવામાં આવ્યો છે. બંને પાર્ટી પોતાના ઉમેદવારને જીતાડવા માટે એડી ચોંટીનું જોર લગાવી રહી છે. જેના ભાગ રૂપે શુક્રવારે ગુજરાત વિધાનસભામાં વિરોધ પક્ષના નેતા પરેશ ધનાણી અને પૂર્વ કોંગ્રેસના પ્રદેશ પ્રમુખ ભરતસિંહ સોલંકીએ લુણાવાડા વિધાનસભાના કોંગ્રેસના ઉમેદવાર ગુલાબસિંહ ચૌહાણને જીતાડવા માટે લુણાવાડાના ફુવારા ચોકમાં રાત્રી સભા સંબોધી જંગી મત આપી બહુમતીથી વિજય બનાવવા માટે અપીલ કરી હતી.
લુણાવડામાં પરેશ ધાનાણી અને ભરતસિંહ સોલંકીએ રાત્રી સભા સંબોધી