મહીસાગર જીલ્લામાં 3.80 લાખ નાગરિકોને કોરોના વિરોધી વેક્સિન આપવામાં આવી

લુણાવાડામાં કોવિડ 19 (covid-19) સામે સુરક્ષાકવચ આપતું કોરોના રસીકરણ અભિયાન મહીસાગર (Mahisagar) જિલ્લામાં પૂર જોશમાં ચાલી રહ્યું છે. તંત્ર દ્વારા રસીકરણ અભિયાનને તંત્ર દ્વારા વેગવાન બનાવવા સઘન ઝુબેશ હાથ ધરવામાં આવી છે. આરોગ્ય વિભાગ દ્વારા 18 થી 44 વર્ષ વયના નાગરિકોને (Corona Vaccine) કોરોના રસી આપવાની કામગીરી હાલ કાર્યરત છે. જિલ્લા આરોગ્ય તંત્ર દ્વારા શરૂ કરવામાં આવેલા રસીકરણ ઝુંબેશ હેઠળ જિલ્લામાં અત્યાર સુધીમાં કોરોના વોરિયર, ફ્રંટ લાઈન વોરિયર, 18 થી 44 વર્ષ વયના તેમજ 45 થી 59 અને 60 વર્ષથી વધુ ઉંમરના કુલ 3,80,495 નાગરિકોએ કોરોના રસીકરણ (Corona Vaccinetion) કરાવી કોરોના સામે આરોગ્ય સુરક્ષા કવચ મેળવ્યું છે.

• 18 થી 44 વર્ષ વયના 27,712 નાગરિકોને કોરોના રસી આપવામાં આવી
• જીલ્લામાં કુલ 3,80,495 જેટલા નાગરિકોએ કોરોના વિરોધી રસી લીધી
• લુણાવાડા તાલુકામાં સૌથી વધુ 1,14,280 નાગરિકોએ કોરોના રસી લીધી

મહિસાગર: જિલ્લામાં 14મી જૂન 2021 સુધીમાં લુણાવાડા તાલુકામાં 1,14,280, બાલાસિનોર તાલુકામાં 54,427, સંતરામપુર તાલુકામાં 94,621, ખાનપુર તાલુકામાં 32,066, કડાણા તાલુકામાં 47,236, અને વીરપુર તાલુકામાં 37,865 મળી જીલ્લાના છ તાલુકાના કુલ 3,80,495 જેટલા હેલ્થ કોરોના વોરિયર, ફ્રન્ટલાઈન વોરિયર, 18 થી 44 વર્ષની વયના તેમજ 45 થી 59 અને 60 વર્ષથી વધુ ઉંમરના શહેરી અને ગ્રામ્ય વિસ્તારોના નાગરિકો દ્વારા કોરોના વેક્સીનેશન કરાવ્યું છે. જેમાં 18 થી 44 વર્ષ વયના 27,712 નાગરિકોને કોરોના વિરોધી વેક્સિન આપી સુરક્ષિત કરાયા છે.

2,71,034 નાગરિકોને પ્રથમ ડોઝ

જિલ્લામાં અત્યાર સુધીમાં 6027 આરોગ્ય કોરોના વોરિયર, 9143 ફ્રંટ લાઈન કોરોના વોરિયર, 45 થી 59 વર્ષના અને 60 થી વધુ ઉંમરના 2,28,152 તેમજ 18 થી 44 વર્ષ વયના 27,712 જેટલા નાગરિકોને કોરોના રસી મૂકવામાં આવી છે. અત્યાર સુધી જિલ્લામાં 2,71,034 નાગરિકોને કોરોના રસીનો પ્રથમ ડોઝ તેમજ 1,09,461 નાગરિકોને રસીનો બીજો ડોઝ આપવામાં આવ્યો છે.

આ પણ વાંચો : સુરત ગ્રામ્યમાં બુધવારે 5365 લોકોએ કોરાના રસી લીધી

રસી પછી પણ કાળજી

નાગરિકોએ રસી લીધા પછી પણ કાળજી એટલી જ રાખવાની છે. જેમકે માસ્ક પહેરવું, સામાજિક અંતક રાખવું અને જાહેર ભીડભાડ વાળી જગ્યા ઉપર જવું નહીં, સેનેટાઈઝર કરવુ, જ્યાં ત્યાં થુંકવું નહીં અને ખૂબ જ કાળજી રાખવા જિલ્લા કલેકટર દ્વારા જણાવવામાં આવ્યું છે.

આ પણ વાંચો : સુરત ગ્રામ્યમાં રવિવારે 1497 લોકોએ કોરાના રસીનો ડોઝ લીધો