લુણાવાડામાં બાવન પાટીદાર સમાજ દ્વારા કોવિડ કેર સેન્ટર શરૂ કરાયું

મહીસાગર જિલ્લામાં કોરોના સંક્રમણ વધતાં દર્દીઓની સંખ્યામાં થઈ રહેલા વધારાને પહોંચી વળવા જિલ્લા વહીવટી તંત્ર દ્વારા ઝડપથી નાગરિકોને સ્વાસ્થ્ય સુવિધાઓ ઉપલબ્ધ કરાવવામાં આવી રહી છે. જિલ્લામાં વિવિધ સમાજ અને ટ્રસ્ટ દ્વારા કોરાના દર્દીઓને સારી સારવાર મળે તે માટે કોવિડ કેર સેન્ટર શરૂ કરવામાં આવી રહ્યા છે. જે અંતર્ગત આજે ગુરૂવારે મહીસાગર જિલ્લા લુણાવાડામાં બાવન પાટીદાર સમાજ દ્વારા સંપૂર્ણ સુવિધાઓ સાથેનું કોવિડ કેર સેન્ટર બાવન પાટીદાર સમાજ હોલ ખાતે શરૂ કરવામાં આવ્યું. જેનો શુભારંભ જિલ્લા કલેક્ટર આર. બી. બારડ તેમજ લુણાવાડાના ધારાસભ્ય જીજ્ઞેશ સેવકની ઉપસ્થિતમાં કરવામાં આવ્યો.

• કોરાના દર્દીઓને સારવાર માટે કોવિડ કેર સેન્ટર શરૂ કરાયું
• કલેક્ટર પાસેથી મંજૂરી મેળવી કોવિડ કેર સેન્ટર શરૂ કરાયું
• કોવિડ કેર સેન્ટરમાં 30 બેડ રાખવામાં આવ્યા
• ધારાસભ્ય જીજ્ઞેશ સેવક અને સમાજના અગ્રણીઓ ઉપસ્થિત રહ્યાં

મહીસાગરઃ જિલ્લામાં કોરાના કેસમાં ચિંતાજનક વધારો થઈ રહ્યો છે. જેમાં જિલ્લાના મુખ્યમથક લુણાવાડામાં કોરાના કેસ વધતા દર્દીઓને સારી સારવાર મળી રહે તે માટે જિલ્લા વહીવટી તંત્રના સહયોગથી સમાજ સેવી સંસ્થાઓ આગળ આવી રહી છે અને કલેક્ટર પાસેથી મંજૂરી મેળવી કોવિડ કેર સેન્ટર ખોલી રહી છે. જે અંતર્ગત આજે ગુરૂવારે મહીસાગર જિલ્લાના લુણાવાડા બાવન પાટીદાર સમાજ દ્વારા સંપૂર્ણ સુવિધાઓ સાથેનું કોવિડ કેર સેન્ટર બાવન પાટીદાર સમાજ હોલ ખાતે શરૂ કરવામાં આવ્યું છે. આ કોવિડ કેર સેન્ટરમાં 30 બેડ રાખવામાં આવ્યા છે તેમજ ઓક્સિજન અને જમવાની વ્યવસ્થા પણ રાખવામાં આવી છે.

કોરાના દર્દીઓને સારવાર માટે કોવિડ કેર સેન્ટર શરૂ કરાયું

આ પણ વાંચોઃ જૈન સાધુ-સાધ્વીઓ માટે પણ કોવિડ કેર સેન્ટર કરાયું શરૂ

દર્દીઓને વાંચવા માટે ધાર્મિક પુસ્તકો રાખવામાં આવ્યા

તદુપરાંત દર્દીઓને વાંચવા માટે ધાર્મિક પુસ્તકો પણ રાખવામાં આવ્યા છે. જેથી દર્દીઓને કોઈ તકલીફ પડે નહીં. બાવન પાટીદાર સમાજ દ્વારા શરૂ કરવામાં આવી રહેલા કોવિડ કેર સેન્ટરનો શુભારંભ જિલ્લા કલેક્ટર આર. બી. બારડ તેમજ લુણાવાડા ધારાસભ્ય જીજ્ઞેશ સેવક દ્વારા સમાજના અગ્રણીઓની ઉપસ્થિતમાં કરવામાં આવ્યો હતો.

આ પણ વાંચોઃ ધંધૂકાની કુમાર છાત્રાલયમાં 25 બેડનું કોવિડ કેર સેન્ટર શરૂ કરાયું