બાલાસિનોર કોવિડ હોસ્પિટલમાંથી કોરોના દર્દી ફરાર, આરોગ્ય વિભાગમાં દોડધામ

મહીસાગર જિલ્લાના બાલાસિનોરમાં આવેલી કોવિડ-19 હોસ્પિટલમાંથી રવિવારે કોરોનાનો દર્દી ફરાર થયો હતો. જેથી તંત્રમાં દોડધામ મચી છે.

મહીસાગર: જિલ્લાના બાલાસિનોરમાં આવેલી કોવિડ-19 હોસ્પિટલમાં કોરોના પોઝિટિવ દર્દીને સારવાર આપવામાં આવે છે. જેથી સંતરામપુરના હળવા ગામનો એક કોરોના પોઝિટિવ દર્દી બાલાસિનોર કોવિડ હોસ્પિટલમાં સારવાર લઇ રહ્યો હતો, પરંતુ રવિવારે કોવિડ હોસ્પિટલ ખાતેથી આ દર્દી ફરાર થયો હતો. જેથી આરોગ્ય વિભાગમાં દોડધામ મચી છે.

કોવિડ હોસ્પિટલ પરિસરમાં સિક્યુરિટીનો ચુસ્ત બંદોબસ્ત હોવા છતાં દર્દી ફરાર છે. જેથી તંત્ર સામે અનેક સવાલો ઉભા થયા છે.