મહીસાગરઃ બાલાસિનોર લાયન્સ ક્લબે 2 ઓક્ટોબરથી 8 ઓક્ટોબર સુધી સેવા સપ્તાહ કાર્યક્રમની ઉજવણી કરી હતી. આ સેવાકીય સપ્તાહ દરમિયાન હ્રદયને લગતા રોગો, ગાયનેક, નેત્ર ચિકિત્સા અને ડાયાબીટીસ કેમ્પનું આયોજન કરવામાં આવ્યું હતું. જેનો ગ્રામીણ વિસ્તારના લોકોએ લાભ લીધો હતો.
આ કાર્યક્રમમાં લાયન્સ ક્લબના ઈન્ટરનેશનલ 3232 F1ના ડીસ્ટ્રીક્ટ ગર્વનર લાયન્સ જે.પી.ત્રિવેદી MJF લાયન્સ ક્લબ, દર વર્ષની જેમ આ વર્ષે પણ બાલાસિનોરની સત્તાવાર મુલાકાતે આવ્યા હતા. જેથી આજે એટલે કે શુક્રવારે તેમણે તેજસ્વી તારલાઓ, નિવૃત્ત શિક્ષકો, અને પ્રિન્ટ તેમજ ડિજિટલ મીડિયાના પત્રકારોને સન્માનપત્ર આપી સન્માનીત કર્યા હતા.
આ સમગ્ર કાર્યક્રમ દરમિયાન કોવિડ ગાઈડલાઈન મુજબ ફરજીયાત માસ્ક, સેનિટાઈઝરથી હેન્ડ વોસ અને સોશિયલ ડિસ્ટન્સનું પાલન કરાવવામાં આવ્યું હતું.
