લુણાવાડામાં પ્રાથમિક આરોગ્ય કેન્દ્ર અને ધન્વંતરી રથ દ્વારા 32 RTPCR,18 રેપિડ એન્ટીજન ટેસ્ટ કરાયા

ગુજરાત સહિત સમગ્ર દેશમાં કોરોના વાઇરસની બીજી લહેરમાં કોરોનાનું સંક્રમણ વધી રહ્યું છે. ત્યારે મહીસાગર જિલ્લાના નાગરિકોને સુરક્ષિત રાખવા જિલ્લા કલેકટર આર.બી.બારડ અને જિલ્લા વિકાસ અધિકારી નેહા કુમારીના નેતૃત્વ અને માર્ગદર્શનમાં જિલ્લા વહીવટી તંત્ર સતર્ક બની કોરોના સંક્રમણને નિયંત્રણમાં રાખવા માટે ટેસ્ટિંગ, ટ્રેકિંગ અને ટ્રીટમેન્ટ પર ભાર મૂક્યો છે. જેના માટે આરોગ્ય તંત્રના અધિકારીઓ અને કર્મયોગીઓ યુદ્ધના ધોરણે કામગીરી કરી કોરોના સંક્રમણને નિયંત્રણમાં લેવાના પ્રયાસો કરી રહ્યા છે.

• કોરોના સંક્રમણને નિયંત્રણમાં રાખવા માટે ટેસ્ટિંગ, ટ્રેકિંગ અને ટ્રીટમેન્ટ પર ભાર મૂક્યો
• આરોગ્ય તંત્રના અધિકારીઓ અને કર્મયોગીઓની યુદ્ધના ધોરણે કામગીરી
• નાગરિકોમાં કોરોના વાઇરસ પ્રત્યે ગંભીરતા અને જાગૃતિ લાવવા પ્રયાસ

મહીસાગરઃ હાલની આ મહામારીના સમયમાં કોરોના વાઇરસનું સંક્રમણ વધી રહ્યું છે. ત્યારે નાગરિકોને કોરોના વાઇરસની પરિસ્થિતિથી વાકેફ કરી, તેમનામાં ગંભીરતા અને જાગૃતિ આવે. કોરોના વાઇરસના સંક્રમણને વધુ ફેલાતો અટકાવી શકાય તે હેતુસર ટેસ્ટિંગ, ટ્રેકિંગ અને ટ્રીટમેન્ટ પર ભાર મુકી લુણાવાડા તાલુકાના વરધરી ગામે પ્રાથમિક આરોગ્ય કેન્દ્ર અને ધન્વંતરી રથના સંયુકત પ્રત્યનોથી મેડિકલ ઓફિસરો અને તેમની આરોગ્ય ટીમ દ્વારા 32 RTPCR અને 18 રેપિડ એન્ટીજન ટેસ્ટ કરવામાં આવ્યા હતા.

પ્રાથમિક આરોગ્ય કેન્દ્ર અને ધન્વંતરી રથ દ્વારા 32 RTPCR,18 રેપિડ એન્ટીજન ટેસ્ટ કરાયા

આ પણ વાંચોઃલુણાવાડામાં મેડિકલ ટીમ દ્વારા વેપારીઓના RTPCR તેમ જ એન્ટીજન કોવિડ ટેસ્ટ કરાયા

સોશિયલ ડિસ્ટન્સ, માસ્ક, સેનિટાઇઝરના ઉપયોગ વિશે સમજ અપાઇ

જિલ્લાના આરોગ્ય તંત્રના તમામ આરોગ્ય કર્મીઓ જિલ્લામાં કોરોનાના સંક્રમણને ફેલાતો અટકાવવા માટે અવિરતપણે ફરજો અદા કરી રહ્યા છે. તમામને સોશિયલ ડિસ્ટન્સ, માસ્કની ઉપયોગીતા અને સેનિટાઇઝરનો ઉપયોગ તેમજ માસ્ક પહેર્યા વગર ઘરની બહાર ન નીકળવા અને કોવિડ-19ની ગાઇડલાઇનનું ચુસ્તપણે પાલન કરવા સમજ આપવામાં આવી હતી.