કચ્છ: બૉલિવૂડની ફિલ્મ રેફયજીમાં કલાકાર અભિષેક બચ્ચન પોતાની પાકિસ્તાની પ્રેમિકાને મળવા જે રીતે ભારતની સરહદ ઓળંગીને જાય છે. તેવી જ રીતે મહારાષ્ટ્રના ઉસ્માનાબાદનો એન્જિનીરિંગ કરતો એક યુવાન કચ્છની સરહદેથી પાકિસ્તાન જવા નિકળ્યો હતો. અફાટ રણમાં ભટકી ગયેલા આ યુવાનની બાઈક રણમાં કાદવમાંથી મળી આવ્યા બાદ અને ઉસ્માનાબાદ પોલીસની માહિતીને પગલે બીએસએફ પોલીસે તપાસ કરતા આ યુવાન કચ્છની રણ સરહદ પરથી મળી આવ્યો હતો. હાલ બીએસએફ દ્વારા સંપુર્ણ તપાસ હાથ ધરવામાં આવી છે.
મહારાષ્ટ્રનો યુવાન તેની પાકિસ્તાની પ્રેમિકાને મળવા કચ્છના રણથી સરહદ પાર કરવા પહોંચ્યો, હનિટ્રેપની હોવાની શકયતા બીએસએફના સતાવાર સુત્રોમાંથી મળતી માહિતી પ્રમાણે મહારાષ્ટ્ર ઉસ્માનાબાદનો એક યુવાનને પાકિસ્તાની યુવતી સાથે સોશિયલ મીડિયા થકી સંપર્ક થયો હતો. બાદમાં આ બંને એકબીજાના પ્રેમમાં પડયા હતા. વાત એટલી હદે વધી ગઇ હતી કે મહારાષ્ટ્રનો આ યુવાન પાકિસ્તાની યુવતીને મળવા નીકળી પડયો હતો. મહારાષ્ટ્રથી મહારાષ્ટ્ર પાસિંગની બાઇક લઇ ગુગલ મેપના આધારે તે કચ્છ પહોંચ્યો હતો. ધોળાવીરા પાસેથી આ યુવાન બાઈકથી રણમાં પ્રવેશ્યો હતો અને જયાં સુધી બાઈક પહોંચે ત્યાં સુધી પહોંચ્યા પછી બાઈક મુકીને પગે ચાલી નિકળ્યો હતો. આ અંગેની કોઈ એજન્સીને પણ જાણ થઇ હતી નહી. મહારાષ્ટ્રનો યુવાન તેની પાકિસ્તાની પ્રેમિકાને મળવા કચ્છના રણથી સરહદ પાર કરવા પહોંચ્યો, હનિટ્રેપની હોવાની શકયતા બીજી તરફ મહારાષ્ટ્રના ઉસ્માનાબાદમાંથી ગત 11મી જુલાઈથી નિકલેલા આ યુવાનની પરીવાર દ્વારા શોધખોળ હાથ ધરવામાં આવી હતી. પોલીસે મોબાઈલ નંબરના આધારે તપાસ કરતા સોશિયલ મિડિયા થકી આ યુવાન કોઈ પાકિસ્તાની યુવતીના પ્રેમમાં હોવાનુ બહાર આવ્યુ હતું. આ માહિતીને પગલે મહારાષ્ટ્ર પોલીસે કચ્છ પોલીસનો સંપર્ક સાધ્યો હતો. આ વચ્ચે કચ્છના રણ વિસ્તારમાંથી પેટ્રોલીંગમાં રહેલી બીએસએફ ટીમને કાદમાં ખુંચેલી એકે બાઈક મળી હતી. પગલા પાકિસ્તાન તરફ જતા હોવાનું સ્પષ્ટ થયુ હતું. આ સ્થિતીમાં તમામ એજન્સીઓ કામે લાગી હતી. આ પછી ગત મોડી રાત્રે કચ્છના રણમાં કલાકો સુધી ચાલ્યા બાદ આ યુવાન રણ સરહદ પરથી મળી આવ્યો હતો. બીએસએફના જણાવ્યા પ્રમાણે યુવાન પાસેથી ખાવા પીવાની ચીજવસ્તુઓ મળી આવી છે. પ્રાથમિક પુછપરછમાં મિકેનિકલ એન્જિનીરિંગ કરી રહેલા આ યુવાને જણાવ્યુ હતુ કે છે ચાર પાંચ વર્ષથી તે પાકિસ્તાની યુવતીના પરીચયમાં છે. યુવતીના લગ્ન કરાવામાં આવી રહ્યા છે. જેથી તે તેને મળવા અને લગ્ન કરવા પાકિસ્તાન જઈ રહ્યો હતો. પ્રથમ કાયદેસર પ્રયાસ નાકામ થઈ જતા તેણે ટેકનોલોજીનો ઉપયોગ કરીને કચ્છના રણ સરહદ પાર કરવાનો નિર્ણય કરીને અંહી સુધી પહોંચ્યો હતો. પુર્વ કચ્છના એસપી પરીક્ષિતા રાઠોડે ઈટીવી ભારતને જણાવ્યુ હતું કે હાલે બીએસએફ દ્વારા યુવાન પોલીસને સોંપાયો નથી. કામગીરી ચાલી રહી છે. મહારાષ્ટ્ર પોલીસની ટીમ પણ સ્થાનિકે આવી રહી છે. વધુ વિગતો હજુ સ્પષ્ટ થઈ નથી. હનીટ્રેપ હોવાની સંભાવનાઓ લાગી રહી છે. પણ યુવાન પોલીસને સોંપાાયા બાદ વધુ તપાસ કરવામાં આવશે.
