કચ્છનું કાશ્મીર નલિયા રાજયનું સૌથી ઠંડુ મથક, જનજીવનને માઠી અસર

શહેરમાં ફરી એક વખત કડકડતી ઠંડીનું સામ્રાજ્ય છવાઈ ગયું છે. શીતલહેરને પગલે જનજીવન ઠંડીથી થરથરી રહ્યું છે.કચ્છના કાશ્મીર એવા નલિયા અને અબડાસા તાલુકામાં ઠંડીએ લાંબા સમયથી ધામા નાખતાં જનજીવનને માઠી અસર પહોંચી છે.

નલિયા રાજયનું સૌથી ઠંડુ મથક

કચ્છમાં ઠંડીથી જનજીવનને માઠી અસર

હજુ પણ આગામી દિવસોમાં કોલ્ડવેવની આગાહી

નલિયા રાજયનું સૌથી ઠંડુ મથક

કચ્છ : શિયાળાએ પોતાનું જોર મકકમ ગતિએ આગળ વધાર્યું છે.જિલ્લાભરમાં શીતલહરનો અનુભવ થઈ રહયો છે. આગામી દિવસોમાં વધુ ઠંડીની આગાહી કરવામાં આવી છે. તે વચ્ચે જનજીવન અસહય ઠંડી વચ્ચે ધબકી રહયું છે.ખાસ કરીને કચ્છના કાશ્મીર એવા નલિયા અને અબડાસા તાલુકામાં ઠંડીએ લાંબા સમયથી ધામા નાખતાં જનજીવનને માઠી અસર પહોંચી છે. ઠંડીની માત્રામાં દરરોજ બે-ત્રણ ડિગ્રી વધ-ઘટ થાય છે,પરંતુ ડંખીલો ઠાર યથાવત્ રહ્યો છે. નલિયા સૌથી ઠંડુ મથક 7 ડિગ્રી ઠંડી

કચ્છમાં ડંખીલા ઠારના માર વચ્ચે જનજીવનને અસર

હવામાન વિભાગમાંથી મળતી સતાવાર વિગતો મુજબ નલિયા ખાતે સાત ડિગ્રી ઠંડી નોંધાતાં સતત ઠંડું મથક બની રહ્યું હતું. કંડલા એરપોર્ટમાં 10.6, ભુજમાં 12.7 અને કંડલા પોર્ટમાં 12.6, ઉપરાંત ખાનગી રાહે તાપમાન નોંધાય છે.ખાવડામાં 10 અને રાપરમાં 11 ડિગ્રી તાપમાને આંશિક રાહત વચ્ચે ઠંડીની ચમક જળવાયેલી રહી હતી.

આગામી દિવસોમાં ફરી વળશે શિતલહેર

હવામાન વિભાગે જારી કરેલા 5 દિવસમાં હજી એક દિવસ નલિયામાં કોલ્ડવેવ રહ્યા બાદ બે ત્રણ દિવસની રાહત પશ્ચાત ફરી રવિવાર સુધીમાં કચ્છ ઉપરાંત સુરેન્દ્રનગર,બનાસકાંઠામાં શીતલહેરની ચેતવણી આપવામાં આવી છે. લઘુતમ પારામાં ઉતાર-ચડાવનો દોર જારી રહેવાનીય આગાહી કરાઇ છે.

સૌથી વધુ અસર શ્રમિકો- પશુપંખીઓને પડી છે

શિયાળાની આ પકડને પગલે જનજીવને અસર પહોંચી છે ખાસ કરીને ઉપર આકાશ અને નીચે ધરતી સાથે રહેચા શ્રમિક પરીવારોને ભારે ઠંડીનો સામનો કરવો પડી રહયો છે.પંશુ પંખીઓ પણ કાતિલ ઠંડીને પગલે માઠી અસર પડી રહી છે.

આ પણ વાંચો :