પશ્ચિમ કચ્છ LCBએ સમાઘોઘા ખાતેથી 5 જુગારીઓને ઝડપ્યા

કચ્છ જિલ્લાના મુન્દ્રા તાલુકાના સમાઘોઘા ગામથી પશ્ચિમ કચ્છ LCBએ જુગાર રમતા પાંચ લોકોને 25,000ની રોકડ સાથે ઝડપી પાડયા હતા.

• LCBએ જુદા-જુદા 5 દરોડામાં કુલ 48 જુગારીઓ ઝડપાયા
• જિંદાલ કંપનીના ગેટ નંબર-2 પાસે દરોડા પાડીને 5 શખ્સોને ઝડપ્યા
• આરોપીઓ પાસેથી કુલ 30,600નો મુદ્દામાલ જપ્ત કર્યો

કચ્છ :જિલ્લામાં પોલીસ તથા LCBના જુદા-જુદા 5 દરોડામાં કુલ 48 જુગારીઓ ઝડપાયા હતા. જેમાં 7 જેટલી મહિલાઓનો પણ સમાવેશ થાય છે.

LCBએ રેડ કરી 5 શખ્સોને ઝડપી લીધા

પશ્ચિમ કચ્છ LCBને બાતમી મળી હતી કે, મુન્દ્રા તાલુકાના સમાઘોઘા ગામે આવેલી જિંદાલ કંપનીના ગેટ નંબર-2 પાછળ આવેલી બાવળની ઝાડીઓમાં અમુક શખ્સો ગોળ કુંડાળુ કરી જાહેરમા ગંજી પાના વડે તીન-પત્તીનો રૂપિયાની હાર-જીતનો જુગાર રમી રહ્યા છે. જે આધારે LCBએ જગ્યાએ રેડ કરી 5 શખ્સોને ઝડપી લીધા હતાં.

પકડાયેલ આરોપીઓ

1. રાકેશ ત્રિભુવન બ્રાહ્મણ
2. સુરેશકુમાર માંજી
3. બ્રિજનંદન કુશવાહ
4. પપુ વિશ્વકર્મા
5. સોનુ રાજપૂત

LCBએ કુલ રૂપિયા 30,600નો મુદ્દામાલ કબ્જે કર્યો

LCBએ આરોપીઓ પાસેથી રોકડ રૂપિયા 25,100 અને 5 મોબાઇલ કિંમત રૂપિયા 5,500 મળીને કુલ 30,600નો મુદ્દામાલ કબજે કર્યો હતો. આ તમામ આરોપીઓ વિરૂદ્ધ જુગારધારા હેઠળ મુંદ્રા પોલીસ સ્ટેશન ખાતે ગુનો નોંધી કાયદેસરની કાર્યવાહી હાથ ધરાઇ હતી.