કચ્છ રેલવે વિભાગ આવ્યું કોરોના દર્દીઓની મદદે, હોસ્પિટલના દ્વાર જનતા માટે ખોલવામાં આવ્યાં

સમગ્ર ગુજરાત રાજ્યની સાથે સાથે કચ્છમાં પણ કોરોનાના કેસમાં વધારો થઈ રહ્યો છે. જિલ્લામાં પોઝિટિવ કેસ અને મૃત્યુઆંક સતત વધી રહ્યો છે. કચ્છમાં ગઈકાલે સોમવારે 187 પોઝિટિવ કેસ નોંધાયા હતા. જેથી હવે સરકારી વિભાગો કોરોનાગ્રસ્ત દર્દીઓની સહાય માટે આગળ આવી રહ્યા છે. રેલવે વિભાગ દ્વારા રેલવે હોસ્પિટલના દ્વાર કોરોના દર્દીઓ માટે ખુલ્લા મુકવામાં આવ્યાં છે.

• કોરોના દર્દીઓની મદદ માટે કચ્છ રેલવે વિભાગ દ્વારા રેલવે હોસ્પિટલના દ્વારા ખોલવામાં આવ્યાં
• કચ્છ રેલવેના ARMએ કોવિડ વૉર્ડની મુલાકાત લીધી
• 3 મેના રોજ કચ્છમાં કુલ 187 પોઝિટિવ કેસ નોંધાયા

કચ્છઃ કોરોના મહામારીના સમયમાં દેશના વિવિધ સરકારી વિભાગ દ્વારા કોરોના દર્દીઓની સારવારમાં મહત્વપૂર્ણ યોગદાન આપવામાં આવી રહ્યુ છે. ત્યારે હાલ કોરોનાના આ સમયમાં કચ્છના રેલવે વિભાગ દ્વારા રેલવે હોસ્પિટલના દ્વાર આમ જનતા અને કોરોના દર્દી માટે ખુલા મૂકવામાં આવ્યાં છે.

વેસ્ટર્ન રેલવેના અધિકારી દ્વારા એક સરાહનીય કાર્ય

કચ્છ રેલવેના IRTS અધિકારી અદિશ પાઠનીયાએ કોરોના દર્દીની સાર સાંભળ લેવા કોવિડ વોર્ડની મુલાકાત લીધી હતી. કચ્છ રેલવેના ARM અદિશ પાઠનીયા રેલવેની હોસ્પિટલમાં PPE કીટ પહેરીને કોરોનાના રોગ માટે સારવાર લઈ રહેલા દર્દીની સારવાર કઈ રીતે થાય છે, તેનું જાત નિરીક્ષણ કર્યુ હતું અને દર્દીઓની માનિસક હિંમત વધારવાનું કામ કર્યું હતું. વેસ્ટર્ન રેલવેના અધિકારી દ્વારા એક સરાહનીય કાર્ય કરવામાં આવી રહ્યુ છે.

આ પણ વાંચોઃ કચ્છનું એક એવું સ્મશાન, જ્યાં મહિલાઓ કોરોનાગ્રસ્ત દર્દીઓની અંતિમવિધીમાં મદદ કરે છે

ઓક્સિજન પહોંચાડવાની સાથે સાથે અન્ય જવાબદારી નિભાવવા પણ રેલવે વિભાગ પ્રયત્નશીલ

IRTS અદિશ પાઠનીયાએ જણાવ્યું કે, હાલ કોરોના દર્દીની સંખ્યા વધી રહી છે. હોસ્પિટલમાં દર્દીને યોગ્ય સારવાર મળે એ માટે પ્રયત્નો થઈ રહ્યા છે, દેશના વિવિધ વિસ્તારોમાં ઓક્સિજન એક્સપ્રેસ ટ્રેન દ્વારા ઓક્સિજન પહોંચાડવાની સાથે સાથે અન્ય જવાબદારી નિભાવવા પણ રેલવે વિભાગ પ્રયત્નશીલ છે.

કચ્છ રેલવે વિભાગ આવ્યું કોરોના દર્દીઓની મદદે

હાલમાં 12 બેડ સાથે રેલવે હોસ્પિટલમાં કોવિડની સારવાર શરૂ

અદિશ પાઠનીયાએ મીડિયા સાથે વાતચીત કરતા જણાવ્યું હતું કે, હાલમાં 12 બેડ સાથે રેલવે હોસ્પિટલમાં કોવિડની સારવાર શરૂ કરવામાં આવી છે. જેમાં 10 બેડ ઑક્સિજનની સુવિધા પૂરી પાડે એવા છે અને 2 બેડ નોન ઑક્સિજન દર્દીઓ માટે છે.